Florianópolis
| Florianópolis | ||
| ||
| Kelk imaji pri Florianópolis. | ||
|
| |
| Standardo | Blazono | |
| Lando: |  Brazilia
| |
| Stato: | Santa Catarina | |
Informo:
| ||
| Fondita ye: | 23ma di marto 1673 | |
| Latitudo: | 27°35'49" S | |
| Longitudo: | 48°38'52" W | |
| Altitudo: | 3 m | |
| Surfaco: | 675,4 km² | |
| Habitanti: | 516 524 (2021) | |
| Denseso di habitantaro: | 764,8 hab./km² | |
| Disto de Brasília: | 1672 km | |
| Horala zono: | UTC-3 (UTC-2 dum la somero) | |
| Urbestro: | Gean Loureiro (DEM) (2021-2024) | |
Mapo:
| ||
| ||
Oficala retosituo:
| ||
| www.florianopolis.sc.gov.br | ||
Florianópolis esas chef-urbo di la stato Santa Catarina, en Brazilia. Ol jacas an marala insulo anke nomizita Santa Catarina, proxim la litoro. Parto dil urbo (20 km²) jacas an la kontinento. Segun statistiki de 2021, Florianópolis havis 516 524 habitanti.
Komerco e servado esas importanta ekonomial agadi por la urbo. Turismo ank esas importanta: lua plaji recevas multa turisti, nome Arjentiniani ed Uruguayani, ma anke Braziliani de altra regioni. La sideyo dil Universitato Federala di Santa Catarina (UFSC), e du kampusi dil Universitato dil Stato Santa Catarina jacas ibe.
Historio[redaktar | redaktar fonto]
Anciena populi habitis l'insulo Santa Catarina de adminime 4.800 yari aK, quale montras konko-depozeyi konocita kom sambaquis en la Portugalana, qui kreesis da homala agado. L'insulo anke havas pikturi en roki en multa ek lua plaji. Cirkume la yaro 1000, indijeni tapuia qui habitis la regiono ekpulsesis da populi de etnio tupi, qui originis de Amazonia.
Kande l'unesma Europani arivis en la regiono dum la 16ma yarcento, ol habitesis da indijeni karijo, de etnio tupi. Le karijo praktikis agrokultivo, ma praktikis pesko e kolekto di moluski. Li nomizis l'insulo Meiembipe, signifikanta "monto alonge la maro".
Florianópolis fondesis 1726 kom vilajo, nomizita "Nossa Senhora do Desterro". En 1737, Portugalana konstruktis fuorti por protektar ol, e cirkume la duimo dil 18ma yarcento la regiono komencis recevar koloniigisti de Acori, ambe por solvar la problemo di tropopulizo dil arkipelago, e samatempe augmentar la habitantaro di la sudo di Brazilia. La koloniigisti kultivis kotono e lino por facar fili e produktar artizanajo di dentelo. Li anke praktikis la pesko di baleni.
Geografio[redaktar | redaktar fonto]
La litoro di Florianópolis havas multa bayi, peninsuleti, insuleti e lagi. La maxim granda laguno esas Lagoa da Conceição, kun entote 19,71 km². La reliefo dil urbo esas montoza an la centro dil insulo e plana en altra regioni. La maxim alta punto jacas 532 metri super la marala nivelo.
Florianópolis havas varma e humida subtropikala klimato (Cfa segun la klimatala klasifikuro da Köppen-Geiger). La mezavalora temperaturo en februaro (somero) esas 24,6°C, dum ke la temperaturo en julio (vintro) esas 16,5°C.
La mezavalora yarala pluvo-quanto esas 1517,8 mm. Ne existas sika sezono, e la maxim pluvoza monato esas februaro, kun mezavalore 196,9 mm.