Coeur d'Alene, Idaho
| Coeur d'Alene | ||
 | ||
| Coeur d'Alene, vidita de samnoma lago. | ||
| Lando: |  Usa | |
| Stato: | Idaho | |
Informo: | ||
| Fondita ye: | 1878 | |
| Latitudo: | 47°41'34" N | |
| Longitudo: | 116°46'48" W | |
| Altitudo: | 667 m | |
| Surfaco: | 43,56 km² | |
| Habitanti: | 54 628 (2020) | |
| Denseso di habitantaro: | 1360 hab./km² | |
| Disto de Boise: | 593,4[1] km | |
| Horala zono: | UTC-8 (UTC -7 dum somero) | |
| Urbestro: | Woody McEvers[2] | |
Mapo: | ||
 | ||
Oficala retosituo: | ||
| www.cdaid.org | ||
Coeur d'Alene esas urbo che komtio Kootenai, stato Idaho, Usa. Segun la demografiala kontado di 2020, ol havis 54 628 habitanti, kontre 44 137 habitanti en 2010, e 34 514 habitanti en 2000. Lua tota surfaco esas 43,56 km², equivalanta a 16,82 mi², de qui 41,58 km² (16,06 mi²) esas lando e la cetera esas aquo.
Franci nomizis ol Coeur d'Alene (signifikante "Kordio di Aleno") pro la desfacila naturo dil indijeni pri komerco.
Geografio
[redaktar | redaktar fonto]
Jacanta cirkume 667 metri adsur la marala nivelo, ol distas 593,4 kilometri de Boise, e cirkume 50 km de Spokane, Washington, kun qua ol formacas statistikala regiono. Segun diferanta defini, la klimato di Coeur d'Alene povas judikesar sive kom kontinentala kun sika somero (Dsb), sive kom Mediteranea kun sunoza somero (Csb). Ol esas kolda e humida dum vintro, e varma e sika dum somero. La mezavalora temperaturo en decembro (vintro) esas −1.2°C, kontre ke en julio ed agosto (somero) esas 20.6°C. Omnayare, dum cirkume 13 dii la temperaturi povas superirar 32°C.
L'arboroza regiono este del urbo protektesas che Nacionala Foresto di Coeur d'Alene. En la regiono existas multa lagi e sovaja vivo.
Demografio
[redaktar | redaktar fonto]Segun la demografiala kontado di 2000, esis 34 514 homi, 13 985 hemanari e 8 852 familii qui rezidis en la urbo. La denseso di habitantaro esis 1 014,9/km². Esis 14 929 domi kun mezvalora denseso di 439.0/km². Segun raso, esis 95.80% Blanki, 0.22% Negri od Afrikan-Usani, 0.77% indijeni Amerikana, 0.61% Aziani, 0.09% Pacifik-insulani, 0.63% de altra rasi, e 1.88% de du o plura rasi, e 2.70% de la habitantaro esis Hispan-Usani o Latin-Amerikani de irga raso.
Esis 13 985 hemanari, di qui 31.7% havis pueri od adolecanti evanta min kam 18 yari en la domo, 47.7% esis mariajita e habitis kune; en 11.5% muliero sen spozulo esis la domo-chefo e 36.7% esis ne-familii. En 28.2% de omna hemanari vivis unika sola individuo, e 11.3% habitesis da singla individuo evanta 65 yari o pluse. La mezvalora grandeso po hemanaro esis 2.39 personi e la mezvalora grandeso po familio esis 2.93 personi.
La procento di habitanti segun evo esis: 24.9% evanta min kam 18 yari, 11.7% de 18 til 24 yari, 27.9% de 25 til 44 yari, 20.7% de 45 til 64 yari, e 14.8% evanta 65 yari o pluse. La mezvalora evo esis 35 yari. Po singla 100 mulieri esis 93.7 viri. Po singla 100 mulieri evanta 18 yari o pluse esis 89.3 viri.
La mezvalora revenuo po hemanaro en la urbo esis US$ 33 001, e la mezvalora revenuo po familio esis US$ 39 491. La mezvalora revenuo por la viri esis US$ 31 915 kontre US$ 21 092 por la mulieri. La revenuo per capita por la urbo esis US$ 17 454. Cirkume 12.8% de la habitantaro e 9.3% de la familii vivis sub la povreso-lineo, inkluzite 13.5% ek omna habitantaro evanta min kam 18 yari, e 8.1% ek omna habitantaro evanta 65 yari o pluse.