Eiríkur Hauksson

De Wikipedio
Salti al navigilo Salti al serĉilo
Eiríkur Hauksson che la Eurovision-konkurso di kansono en 2007

Eiríkur Hauksson (4ma julio 1959, Reykjavik) esas islandana kantisto di heavy metal-muziko.

Komence di la 1980a yari il divenis sat populara e vendis multa diski.  En 1986 il partoprenis la nacionala preselekto por la Eurovision-konkurso di kansono e partoprenis per 3 kansoni:

  • Þetta gengur ekki lengur, skribita da Ómar Halldórsson
  • Gefðu mér gaum, skribita da Gunnar Þórðarson ed Ólafur Haukur Símonarson
  • Mitt á milli Moskvu og Washington, skribita da Ragnhildur Gísladóttir, Jakob Frímann Magnússon e Valgeir Guðjónsson

Esis fine la kansono Gleðibankinn da kantisto Pálmi Gunnarsson qua ganis.  Ma pro ke esis la unesma partopreno da Islando che la konkurso, la brodkasterio decidis ke du plusa populara kantisti devas plear, nome Eiríkur e Helga Möller.  Li pleis kom la bando ICY e finis 16ma.

Sequanta-yare il itere partoprenis la preselekto per Lífið er lag e finis 2ma, la kansono divenis enorma suceso.  En 1988 il translojis a la norvegiana urbo Østfold e divenis kantisto en la powermetal-grupo Artch.  Lia albumi esis sucesoza.

En 1991 il invitesis partoprenar la grupo Just 4 Fun che la kansonkonkurso (por Norvegia) en Roma per la kansono Mrs. Thompson; li finis 17ma.  Du yari pose la grupo Artch dissolvis su, ma en 1999 riunionis su por la 50ma aniversario di Scream Magazin, revuo norvegiana.

Eiríkur partoprenis en 2007 itere la preselekto Söngvakeppnin e ganis per la kansono Ég les í lófa þínum; pro to il triesmafoye partoprenis la konkurso.  La kansono anke tradukesis a la angla, per la titulo Valentine Lost.

Depos 2005 il pleis reguloze en la Viking All Stars band, la "live"-bando di Ken Hensley.