Heavy metal

De Wikipedio
Irez ad: pilotado, serchez

Heavy metal esas jenro di rock-muziko[1] qua aparis kom muzikala stilo dum fino di la 1960a e komenco di la 1970a yari, note en l'Unionita Rejio ed Usa.[2] Kun influi de blues rock e psikodelik-rock[3] la bandi qui developis heavy metal kreis densa e masiva sono kun ampligita distordo, longa soli di elektrala gitari, emfazala bati ed entote lauteso.

Heavy metal-bandi havas gitaristi, tamburisti, basisti, e kandisti. La muziko di heavy metal bandi esas ofte feroca. Lua liriki e spektakli ofte asociesas kun atako e maskuleso.

Pionira bandi qui facis heavy metal, quale Led Zeppelin, Black Sabbath e Deep Purple atraktis grand asistantaro, quankam la kritiki mokis li. Dum la duimo di 1970a yari la bando Judas Priest helpis stimular l'evoluciono dil jenro, kande li eliminis influi de blues.

Membri de Nederlandana death metal-bando Asphyx "tremas" lua kapi.

Britaniana bando Motörhead (kreita en 1975) trovis l'influo de punk-movado ed augmentis la veloco di la muziko. Dum fino di la 1970a yari altra Britaniana bandi quale Iron Maiden e Saxon sequis la sama formulo. Ante finar la yardeko, l'admirinti di heavy metal divenis konocita en Angla linguo kom metalheads o headbangers (proxime tradukita en Ido quale "tremanta kapi").

La bando Kiss.

Dum la 1980a yari heavy metal recevis influo de glam-rock en komercala grupi quale Mötley Crüe, Kiss e Poison. Altra subjenri originis de heavy metal dum la 1980a, 1990a e 2000a yari, quale thrash metal (bandi quale Metallica, Megadeth, Slayer, ed Anthrax), death metal (exemple la bandi Possessed, Death, Obituary, o Nederlandana bando Asphyx), black metal (exemple Norvegiana bando Mayhem e Britaniana bando Venom) ed altra. La jenro anke mixesis kun altra jenri por krear, exemple, funk metal (bandi quale Rage Against the Machine, Faith no More, Blind Melon e, komence Red Hot Chili Peppers) o Nu Metal (bandi quale Slipknot, Limp Bizkit e Linkin Park).

Referi[redaktar | edit source]

  1. Du Noyer (2003), p. 96; Weinstein (2000), pp. 11–13.
  2. Weinstein (2000), pp. 14, 118.
  3. Fast (2005), pp. 89–91; Weinstein (2000), pp. 7, 8, 23, 36, 103, 104.