Heavy metal

De Wikipedio
Heavy metal
{{{lokala_nomo}}}
Led Zeppelin en Chicago, 1975.
Etimologio: de l'Angla
Stilistikal' origini: Blues rock, psikadelika* rock
Kultural' origini: Fino di 1960, Unionita Rejio ed Usa
Tipal' instrumenti: elektro-gitaro, baso-gitaro, tamburo, voco
Derivaji: Grunge
Subjenri:
Avant-garde metal, extreme metal, black metal, death metal, doom metal, thrash metal, glam metal, groove metal, power metal, speed metal, traditional heavy metal
kompleta listo
Kombino-jenri:
Alternative metal, (funk metal, nu metal, rap metal) Christian metal, crust punk, drone metal, folk metal, gothic metal, grindcore industrial metal, metalcore neoclassical metal, post-metal, progressive metal, sludge metal, stoner rock symphonic metal, Viking metal
Altra temi:
{{{altra_temi}}}


Black Sabbath.

Heavy metal esas jenro di rock-muziko[1] qua aparis kom muzikala stilo dum fino di la yari 1960ma e komenco di la 1970ma, note en l'Unionita Rejio ed Usa.[2] Kun influi de blues rock e psikodelik-rock[3] la bandi qui developis heavy metal kreis densa e masiva sono kun ampligita distordo, longa soli di elektrala gitari, emfazala bati ed entote lauteso.

Heavy metal-bandi havas gitaristi, tamburisti, basisti, e kandisti. La muziko di heavy metal bandi esas ofte feroca. Lua liriki e spektakli ofte asociesas kun atako e maskuleso.

Pionira bandi qui facis heavy metal, quale Led Zeppelin, Black Sabbath e Deep Purple atraktis grand asistantaro, quankam la kritiki mokis li. Dum la duimo dil yari 1970ma la bando Judas Priest helpis stimular l'evoluciono dil jenro, kande li eliminis influi de blues.

Membri de Nederlandana death metal-bando Asphyx "tremas" lua kapi.

Britaniana bando Motörhead (kreita en 1975) adportis l'influo de punk-movado ed augmentis la rapideso di la muziko. Dum fino di la yari 1970ma altra Britaniana bandi quale Iron Maiden e Saxon sequis la sama formulo. Ante finar la yardeko, l'admirinti di heavy metal divenis konocita en Angla linguo kom metalheads o headbangers (proxime tradukita en Ido quale "tremanta kapi").


Dum la yari 1980ma heavy metal recevis influo de glam-rock en komercala grupi quale Mötley Crüe, Kiss e Poison. La sucesoza bando Guns N' Roses formacesis en 1985 dal kantisto Axl Rose, gitaristi Slash e Izzy Stradlin, basisto Duff McKagan e tamburisto Steven Adler. Altra subjenri originis de heavy metal dum la yari 1980ma, 1990ma e 2000ma, quale thrash metal (exemple la bandi Metallica, Megadeth, Slayer, ed Anthrax), death metal (exemple la bandi Possessed, Death, Obituary, o Nederlandana bando Asphyx), black metal (exemple Norvegiana bando Mayhem e Britaniana bando Venom) ed altri. La jenro anke mixesis kun altra jenri por krear, exemple, funk metal (bandi quale Rage Against the Machine, Faith No More, Blind Melon e, komence Red Hot Chili Peppers) o Nu Metal (bandi quale Slipknot, Limp Bizkit e Linkin Park).

Referi[redaktar | redaktar fonto]

  1. Du Noyer (2003), p. 96; Weinstein (2000), pp. 11-13.
  2. Weinstein (2000), pp. 14, 118.
  3. Fast (2005), pp. 89-91; Weinstein (2000), pp. 7, 8, 23, 36, 103, 104.