Eureka, Kalifornia

De Wikipedio
Salti al navigilo Irez a serchilo
Anciena Urbo di Eureka

Eureka (Hupa: do'-wi-lotl-ding, Karuk: uuth) esas la precipua urbo e la sideyo di komtio Humboldt en Kalifornia, Usa.

L'urbo situesas an Usana Voyo 101 an la bordo di Humboldt-Bayo, 430 km norde de San Francisco e 160 km sude de la frontiero kun Oregon.

En 2010 la habitantaro dil urbo esis 27.191, e la habitantaro di Granda Eureka esis 45.034.

Eureka esas la maxim granda litorala urbo inter San Francisco e Portland, Oregon, e la maxim westala urbo kun plu kam 25.000 rezidanti en la 48 kontinentala stati di Usa.

Historio[redaktar | redaktar fonto]

La Pacifika litorala loko di Eureka an Humboldt-Bayo, adjacanta abundanta sequoyo-foresti, provizis la motivo por koloniigo di ca 19ma-yarcenta portuo-urbo.

Ante l'arivo da Euro-Amerikana koloniani, inkluze farmisti, ministi, peskisti, ed arboro-abatisti, l'areo okupesis da indijena populi.