Eureka, Kalifornia

De Wikipedio
Eureka, Kalifornia
Humboldt Bay and Eureka aerial view.jpg
Bayo Humboldt ed Eureka.
Seal of Eureka, California.png
Blazono
Lando: Flag of the United States.svg Usa
stato: Kalifornia
Informo:
Latitudo: 40°47'N
Longitudo: 124°10'W
Altitudo: 12 m
Surfaco: 24,70 km²
Habitanti: 26 512 (2020)
Denseso di habitantaro: 1098,96 hab./km²
Horala zono: UTC-8
(UTC-7 dum la somero)
Urbestro: Susan Seaman
Mapo di Eureka, Kalifornia
Oficala retosituo:
http://www.ci.eureka.ca.gov/
Anciena konstrukturi en Eureka.

Eureka (Hupa: do'-wi-lotl-ding, Karuk: uuth) esas la precipua urbo e sideyo di komtio Humboldt en Kalifornia, Usa. Segun la demografiala kontado di 2020, ol havis 26 512 habitanti, kontre 27 191 habitanti en 2010.To signifikas ke lua habitantaro diminutis per −2,5% inter la du kontadi. En 2010, la habitantaro di Granda Eureka esis 45 034 personi. La tota surfaco dil urbo esas 24,70 km², equivalanta a 9,54 mi².

L'urbo situesas an Usana Voyo 101 an la bordo di Humboldt-Bayo, distanta 430 km norde de San Francisco e 160 km sude de la frontiero kun Oregon.

Eureka esas la maxim populoza litorala urbo inter San Francisco e Portland, Oregon, e la maxim westala urbo kun plu kam 25.000 rezidanti en la 48 kontinentala stati di Usa. Lua klimato influesas multe da lua proximeso kun l'oceano, e la temperaturi ne varias multe inter la sezoni. Lua klimato esas Mediteranea, kun pluvoza vintri e sika someri.

En Eureka situesas la maxim anciena zoo di Kalifornia, Zoo Sequoya Park.

Historio[redaktar | redaktar fonto]

La Pacifika litorala loko di Eureka an Humboldt-Bayo, adjacanta abundanta sequoyo-foresti, provizis la motivo por koloniigo di ca 19ma-yarcenta portuo-urbo.

Ante l'arivo da Euro-Amerikana koloniani, inkluze farmisti, ministi, peskisti, ed arboro-abatisti, l'areo okupesis da indijena populi. Dum cirkume 300 yari pos 1579, l'exakta loko di Humboldt-bayo restis necerta, nam la kombinuro di geografial e klimatal elementi desfaciligis fidinda vidado e mezuro di la 2ma maxim granda bayo di Kalifornia.[1] L'oficala dato di ca deskovro esas la 13ma di mayo 1850, kande establisesis la kolonieto Eureka apud ol.

Referi[redaktar | redaktar fonto]

  1. Davidson, George:The discovery of Humboldt Bay, California Publikigita da Geographical Society of the Pacific. Publikigita ye 1891.