Ferruccio Busoni

Ferruccio Busoni (n. 1ma di aprilo 1866, m. 27ma di julio 1924) esis Italiana pianisto e kompozisto.

Il naskis en Empoli, Italia. Il montris talento pri muziko ye frua evo, ed unesmafoye aparis en koncerto kun sua genitori, qui esis muzikisti, en 1873. De la evo non til dek-e-un yari il studiis ye la Konservatorio di Wien. Dum periodo il docis en Helsinki, Moskva e Boston, Usa. De 1894 il rezidis en Berlin: il docis, kompozis e turis Europa por koncertar. Il renkontris notenda muzikisti di la periodo, ed anke artisti. De 1915 til 1920 il rezidis en Zurich. Il mortis en Berlin en 1924.

Inter ilua kompozuri esas la koncerto-peco por piano, en kin movimenti, di 1904; ol esas un de la maxim longa tala verki, durante plu kam un horo, e poka pianisti pleyabas ol. Il anke facis multa transskriburi di verki da Johann Sebastian Bach.