Frederik la 3ma di Dania

De Wikipedio
Frederik la 3ma
{{{Originala_nomo}}}
rejulo di Dania e Norvegia
Guvernisteso: de la 28ma di februaro 1648 til la 9ma di februaro 1670
Precedanto: Christian la 4ma
Sucedanto: Christian la 5ma
Personal informi
Naskodato: 18 di marto 1609
Naskoloko: kastelo Haderslevhus, Haderslev, Dania
Mortodato: 9 di februaro 1670
Mortoloko: Kobehavn, Dania
Spozo: Sophie Amalie de Brunswick-Lüneburg

Frederik la 3ma (n. ye la 18ma di marto 1609 til la 9ma di februaro 1670) esis rejulo di Dania e Norvegia de la 28ma di februaro 1648 til la 9ma di februaro 1670.

Naskinta en kastelo Haderslevhus, Haderslev, Dania, il esis filio di Christian la 4ma di Dania e la rejino Anne Catherine de Brandenburg. Ilu studiis en Nederlando e Francia e montris intereso pri teologio, naturala cienci e pri la historio di Skandinavia. Ilua patro grantis ilu l'administro di la princio-arkiepiskopio di Bremen (1635–45), di la princio-arkiepiskopio di Verden, e dil arkiepiskopio di Halberstadt. Do, il aquiris experienco pri administrado.

Kande ilua olda fratulo Christian mortis en 1647, Frederik divenis la posibla heredinto legitima de la krono Dana/Norvegiana. Tamen, to ne agnoskesis nemediate pos la morto di Christian la 4ma ye la 28ma di februaro 1648. Frederik la 3ma agnoskesis kom heredinto erste pos delibero di la rejala konsilistaro (Rigsraadet), e kronizesis rejulo ye la 23ma di novembro ca yaro.

Dum ilua regno, Suedia militis dufoye kontre Dania e divenis la maxim povoza rejio che Baltiko. Per tale-nomizita kontrato di Roskilde, Dania perdis Skania, Blekinge e Bohuslän, cedis Halland a Suedia e perdis marala aceso a Baltiko. Tamen, Frederik la 3ma divenis populara rejo pro la defenso di Dania, e povis proklamar su absoluta monarko di la lando.

Precedanto
Christian la 4ma
Rejo di Dania
1648 til 1670
Sucedanto
Christian la 5ma