Hildegard Knef

Hildegard Knef (n. Ulm, la 28ma di decembro 1925 – m. Berlin, la 1ma di februaro 2002) esis Germana skriptisto, kantisto ed aktoro. El konsideresas kom un de la maxim important aktori di pos-milita Germania.

Hildegard Knef komencis kom aktoro, en Die Mörter sind unter uns ('l'ocideri esas inter ni') l'unesma filmo di pos-milita Germania, en qua el pleis rolo di muliero qua transvivis la koncentreyo. Multa filmi e televizion-serii sequis.

Pos elua vana probi karierifar en Usa el developis su en la yari 60 kom kantisto. Per elua pro fumo afektita rauka voco e propra-manue skribita kansoni el atingis suceso.

El esis kandida pri elua privata vivo. El skribis libri qui anke havis multa suceso, precipue Das Geschenkte Gaul ('la donacita kavalo', 1970), olqua esis autobiografio. Knef ne timis publikigar elua lukto kontre - e sufro pro elua morbo, kancero, pro qua el mortis en 2002.