Islamabad

De Wikipedio
Islamabad
Kelk imaji pri Islamabad.
Lando: Pakistan
Informo:
Fondita ye: 1960
Latitudo: 33°40'N
Longitudo: 73°10'E
Altitudo: 1031 m
Surfaco: 220 km²
Habitanti: 1 009 832[1] (2017)
Denseso di habitantaro: 2089 hab./km²
Horala zono: UTC+5
Mapo di Islamabad
Oficala retosituo:
http://www.islamabad.gov.pk
Islamabad.

Islamabad esas chef-urbo di Pakistan. Segun la demografiala kontado di 2017, ol havis 1 009 832 habitanti[1]. Lua tota surfaco esas km². Kune lua jemela urbo Rawalpindi, ol formacas la metropolala regiono Islamabad-Rawalpindi, la 3ma maxim populozade Pakistan, havanta 4.5 milion habitanti.[2]

Konstruktita dum la frua yari 1960a, ol dividesas en ok sektori: administala, diplomacala, rezidala sektori, skolala sektori, industriala sektoro, komercala regioni, arei verda, ed arei kultivata. Islamabad divenis chef-urbo en 1967. Lua nomo esas Persa frazeto quo signifikas 'urbo dil Islamo'.

Islamabad esas blokala urbo nivelo beta. Ol havas multa parki e foresti. Lua indexo pri homala developeso, 0,875, esas la 2ma maxim alta de Pakistan, nur infre la de Lahore. Tamen, lua vivo-kusto esas la maxim alta de la lando. L'urbo judikesas kom un ek la maxim sekura de Pakistan.

Historio[redaktar | redaktar fonto]

La platajo Pothohar, teritorio ube jacas Islamabad, judikesas kom un ek la maxim anciena loki habitata en Azia. Kelk utensili de petr-epoko trovita ibe datizas de 100 mil til 500 mil yari ante nun. Anke ceramikaji e petra objekti trovesis ibe. Doktoro Abdul Ghafoor Lone exkavis la regiono e deskovris restaji e kranii de 5000 aK, qui montras ke homi koloniigis la regiono dum Neolitiko alonge rivero Soan, e kreis kolonieti cirkume 3000 aK.

Geografio[redaktar | redaktar fonto]

La moskeo Faisal e la kolini Margala.

La reliefo di Islamabad esas plana en lua centro e kolinoza an lua nordo (la kolini Margala). La mezavalora altitudo dil urbo esas 540 metri. La moderna Islamabad e l'anciena Rawalpindi jacas apude, ed ofte surnomizesas "Gemela Urbi". L'urbo distas 300 km de Srinagar, chef-urbo dil Indiana stato Jammu e Kashmir.

La klimato dil urbo esas subtropikala humida (Cwa segun la klimatala klasifikuro da Köppen). La mezavalora temperaturo en junio (somero) esas 31,2°C, dum ke la mezavalora temperaturo en januaro (vintro) esas 10,1°C.

La mezavalora yarala pluvo-quanto esas 1142,1 mm, e la maxim pluvoza monato esas agosto, kun mezavalore 309,9 mm.

Referi[redaktar | redaktar fonto]