Kurt Weill

De Wikipedio
Irez ad: pilotado, serchez
Kurt Weill
Bundesarchiv Bild 146-2005-0119, Kurt Weill.jpg
{{{Imajoinformo}}}
Profesiono:
Okupeso: kompozisto[*], educationist[*], conductor[*]
Sexuo: maskula[*]
Lando: Germania, Usa
Naskodato: 2 di marto 1900
Naskoloko: Dessau
Mortodato: 3 di aprilo 1950
Mortoloko: New York
Kauzo di morto: myocardial infarction[*]
Spozo: Lotte Lenya[*], Lotte Lenya[*]
Filio:
Patrino:
Patrulo:
Fratino:
Fratulo:
Premio ganita:


Kurt Weill (1900 til 1950) esis Germaniana kompozisto, note per Bertolt Brecht.

Ye 31 di agosto 1928, eventis en Berlin la unesma pleado di Die Dreigroschenoper, da Weill e dramatisto Bertold Brecht. Ol fondesis sur la balado-opero The Beggar's Opera di 1728, da Angla skribisto John Gay, olqua esis satiro di Italiana operi, la karakteri esante furtisti e debochistini. Die Dreigroschenoper utiligis la sama karakteri e simila rakonto, qua eventas en London en la 19ma yarcento. La muziko da Weill, por mikra orkestro, esis influata da jazo-muziko.

La opero, pos iniciala povra recevado, balde esis sucesoza. La kansono Die Moritat von Mackie Messer, qua ye la komenco di la opero introduktas la karaktero Macheath, deskriptante ilua violentemeso, esis tradukata aden la Angla en Usana produkturo di la opero di 1954; kom Mack the Knife; ca versiono di la kansono divenis populara.

En 1933 il fugis Nazista Germania; de 1935 il rezidis en Usa. Il studiis populara muzikala dramati en Usa, e kompozis muziko por plura tala verki, kun notenda skribisti inkluzante Ira Gershwin. Ilua maxim famoza kansono de ca periodo esas September Song, de la muzikala dramato Knickerbocker Holiday di 1938.

Ye 9 di januaro 1947 en New York, ilua opero Street Scene esis unesmafoye pleata. Ol esas la maxim bone konocata de ilua muzikala dramati skribita en Usa. La rakonto di la opero skribesis da Elmer Rice, fondita sur ilua dramato di la sama titulo: ol deskriptas la tensita vivi di plura vicina familii, en povra parto di New York en varmega vetero.