Les Paul

De Wikipedio
Irez ad: pilotado, serchez
Lester William Polsfuss ("Les Paul")
Les Paul live 3.jpg
Profesiono: muzikisto (gitaristo) e gitaro-developisto
Lando: Flag of the United States.svg Usa
Naskodato: 9 di junio 1915
Nasko-loko: Waukesha, Wisconsin, Usa
Mortodato: 12 di agosto 2009, 13 di agosto 2009
Morto-loko: White Plains, Nova-York, Usa

Lester William Polsfuss, konocata kom Les Paul esas legendoza gitaristo e gitaro-developisto. Il naskis ye la 9ma di junio 1915, en Waukesha, Wisconsin, Usa, e mortis ye la 13ma di agosto 2009, en White Plains, Nova-York, Usa.

Les lernis plear gitaro dum sua yuneso. Evante 13 yari il pleis tradicionala cowboy-kansoni per pseudonimo Red Hot Red en sua hem-urbo.

Dum la komenco dil yari 1930ma la yuna muziko esis employata en radio e pose il divenis bandestro. Ilu fondis en 1936 Les Paul Trio. Ilu translojis a New York, e lo grandigis l'audantaro ed il famozeskis en la tota lando.

Dum yari di la duesma mondomilito Les Paul igis diski inter altri kun Bing Crosby e kantisto-grupo Andrew Sisters. La famo di Les kreskis, kande il partoprenis l'unesma turo di Jazz at the Philharmonic en 1944. Anke ipsa Nat King Cole laudis Les Paul.

La poziciono kom famoza profesionala muzikisto helpis il divenar inventisto. Les Paul developis en 1946 elekto-gitaro, qua havis solida stipito, por muzik-instrumento-fabrikerio Gibson. La sequanta yari, la fabrikerio lansis l'unesma gitaro da Les Paul. En 1952 lansesis tota serio di instrumenti Gibson Les Paul.

Dum la yari 1950ma Les performis kun sua spozino Mary Ford. Li esis 28 foyi en la listo di la maxim populara muziki. Un ek li esis “Vaya Con Dios”, en la yaro 1953.

Les Paul ipsa asemblis sua muziko en propra ateliero. Lua solvi esis avan la tempo: Les Paul developis multa-rubandala magnetofonilo(?) e la tekniko por ol. Tale Les povis plear multa gitari en unika muziko. Il konstruktis anke la sono-modifikilo nomizita Les Paulverizer, qua esis primitiva sintetizatoro.

Dum la yari 1960ma Les Paul koncentris su en la developo dil instrumenti, ma dum la yari 1970ma il performis i.a. kun Chet Atkins en l'albumo “Chester and Lester” (1976).

l'impulso di Les Paul en populara muziko esas grandega. Omna inventi da Les esas nun normala e notora moyeni en rock e jazo. Sen Les Paul la muziko semblus tre diferanta. Pro sua kariero kom inventisto il esas juntita a “Inventors’ Hall of Fame” en Usa.