Limburgana linguo

De Wikipedio
Irez ad: pilotado, serchez
Mapo di la Limburgana e relatanta dialekti

La Limburgana (Limburgana: Lèmburgs, nederlandanaLimburgs, germanaLimburgisch, francaLimbourgeois) esas grupo de Estala Basa Frankona dialekti parolata en la regioni Limburg e Rhenlando, alonge la frontiero NederlandoBelgiaGermania.

Olua parol-areo jacas cirkume interne di cirklego de Venlo a Düsseldorf, ad Aachen a Maastricht, a Tienen, e retro a Venlo.  En ula parti di ca areo ol generale uzesas kom la linguo di omnadiala parolado.

Ol havas multa komuna traiti kun la germana e nederlandana, ed ofte egardesas kom varianto di un ek ica lingui (videz anke Dachsprache).  En la moderna komunesi di la belga e nederlandana provinci Limburg, meza idiolekti anke ofte audesas, qui kombinas normala nederlandana kun la achento ed ula tendenci gramatikal e pronuncal de la Limburgana.  Ica "Limburgana nederlandana" konfundive anke ofte referesas kom simple "Limburgana", malgre ke en Belgia tala meza idiolekti ofte referesas kom "tussentaal" (lit. "interlinguo"), kun irgaqua dialekto/linguo normala nederlandana kombinesas.

La nomo Limburgana (e varianti) devenas nur nedirete de la nuna belga urbo Limbourg (Laeboer in Limburgish), la chefurbo di la Dukio di Limburg dum lae Mezepoko.  Plu direte ol derivesas de la moderna nomo dil Provinco di Limburg (1815-39) en la Rejio di Nederlando, hodie fendita aden belga Limburg e nederlandana Limburg.  En la areo cirkum la olda Dukio di Limburg la cheflinguo hodie esas la franca, ma esas anke Limburganatra linguo, ofte referata kom "Basa Diets-dialekti".

La Limburgana parolesas da cirkume 1,6 milion homi en la Basa Landi e centamili en Germania.  Aparte en la nederlandana provinco di Limburg la Limburgana uzesas ne nur en omnadiala parolo, ma anke ofte en formala situesi e che lokala e regionala radio.  Segun recenta studio da Geert Driessen, en 2011 la Limburgana parolesis da 54 procento del adulti e 31 procento del pueri.  Ol havas nula skribita tradiciono, eccepte sua frua origini.  Hendrik van Veldeke skribis en Meza Limburgana dialekto.  Aparte en Nederlando, la kulturala valoro di la linguo anke importas.  Multa kanson-texti skribesas en Limburgana dialekto, exemple dum Karnavalo.  Jack Poels skribas sua maxim multa texti por muzikgrupo Rowwen Hèze en Sevenums, lokala dialekto di la Nord-Limburgana dialekti, quon on ofte erore supozas esar parto di la Limburgana.