Luanda

De Wikipedio
Jump to navigation Jump to search
Luanda
Luanda Panorama.jpg
Panoramo pri Luanda.
Lando: Flag of Angola.svg Angola
Informo:
Latitudo: 8°50'18" S
Longitudo: 13°44'04' E
Surfaco: 113 km²
Habitanti: 2 487 484 (2018)
Denseso di habitantaro: 22.000 hab./km²
Horala zono: UTC+1
Mapo:
Mapo di Luanda
Oficala retosituo:
www.gpl.gv.ao
Luanda, vidita de la litoro.

Luanda esas chef-urbo e maxim populizita urbo di Angola. Segun statistiki de 2018, ol havis 2 487 484 habitanti. Lua surfaco esas 113 km². Lua metropolala regiono havas 2 417 km² e 7 805 000 habitanti.

Luanda esas la precipua portuo ed importanta industriala e komercala centro di Angola. Fondita ye la 25ma di januaro 1575[1] dal Portugalani, ol divenis chef-urbo di Angola en 1627.

L'urbo nune subisas granda rikonstrukturo, e multa edifici alta modifikabas lua peizajo.

Geografio[redaktar | redaktar fonto]

Avenuo Combatentes, en Luanda.

La reliefo di Luanda esas dividesas en du parti: baixa (basa tereni kun anciena konstrukturi) ed "alta" (kolinoza tereni kun plu nova konstrukturi). La basa regiono jacas proxim la portuo e havas streta stradi e koloniala edifici.

La klimato dil urbo esas varma e miarida (Bsh segun la klimatala klasifikuro di Köppen), pro l'oceanala fluo di Benguela, qua adportas kolda oceanala aqui a lua litoro e preventas la kondenso dil humideso por formacar pluvo. La mezavalora temperaturo varias de 22,1°C en julio ed agosto til 28,6°C en marto.

La mezavalora yarala pluvozeso esas 405 mm, e la maxim pluvoza monato esas aprilo, kun mezavalore 136 mm. Junio e julio esas monati komplete sika, kun 0 mm di pluvo.

Referi[redaktar | redaktar fonto]

  1. (25ma di januaro 2011) Luanda comemora hoje 435 anos da sua fundação. Angop. URL vidita ye la 8ma di februaro 2011.