Maybank

Menara Maybank, centrala sideyo di Maybank en Kuala Lumpur.

Maybank, komercala nomo di Malayan Banking Berhad esas la maxim granda banko e financala grupo di Malaizia, kun importanta operaci en Singapur, Indonezia, Filipini ed en tot altra landi de ASEAN, e branchi en importanta chef-urbi de Azia. Ol fondesis ye la 31ma di mayo 1960, e nun rangizesas 72me inter la maxim valoroza banki de la mondo. En 2008, ol kompris 15% ek An Binh Bank de Vietnam, e 97,5% ek la banko Indoneziana Bank Internasional Indonesia.

Un ek lua branchi, Maybank Islamic, esas la maxim granda Islamala banko che ASEAN.