Mondala Championokonkurso di Shakoludo 1972
La Mondala Championokonkurso di Shakoludo 1972 eventis en Reykjavík, Islando, che stadio Laugardalshöll.
Ol komencis ye la 11ma di julio 1972. La konkursanti esis Bobby Fischer di Usa kontre Boris Spasski di Soviet-Uniono; Spasski esabis la vinkanto di la antea konkurso en 1969, e Sovietiani esabis championi depos 1948. La vinkanto di la konkurso esis la gananto di la plu multa de 24 ludi.
Spasski cedis ye la 1ma di septembro pos 21 ludi; Fischer ganabis 12 ludi e Spasski 8, kun un nedecidiva ludo. Fischer esis l'unesma Usano naskinta en Usa qua divenis championo, e la duesma Usano en la tota historio di la konkurso (Wilhelm Steinitz, l'unesma championo, naskis en Bohemia en 1836, ed en 1888 il obtenis Usana civitaneso).