Monto Blanka

De Wikipedio
Monto Blanka
Altitudo: 4 810 m
Latitudo: 45°50'01" N
Longitudo: 6°51'54" E
Lando: Francia ed Italia (frontiero)
Monto-kateno: Alpi
Unesma acenso: 8ma di agosto 1786, da Jacques Balmat e Michel-Gabriel Paccard

Monto Blanka (France: Mont Blanc, Italiane: Monte Bianco) esas la maxim alta monto en westal Europa, havanta 4 810 metri di altitudo, e la kinesma sur la plano kontinentala. Ol jacas inter Alta-Savoya (Francia) e valo di Aosta (Italia), objeto di litijo inter la du landi, e la punto kulminanta di la kateno dil Alpi.

Tunelo[redaktar | redaktar fonto]

La tunelo, simpla tubo, jacas inter Chamonix Francia (alt. 1274 m) e Courmayeur, valo di Aosta, Italia (alt. 1381 m), ed esas longa de 11,6 kilometri. Ol pasas exakte sub l'aiguille du Midi.

La tunelo apertesis ye la 19ma di julio 1965. Incendio eventinta ye la 24ma di marto 1999 produktis 39 morti pro ke fairo en kamiono kun kombustivo esis tro varma e ne povis extingesar rapide. Pumpisti prenis 53 horis por kontrolar la fairo.[1] Pos kriminala proceso finita en 2007, 12 personi kondamnesis por neglijo, ed indemno di 34-milioni Euri pagesis a la familii di la viktimi. La tunelo klozesis dum 3 yari e mult ameliori en lua substrukturo ed en la reguli pri sekureso facesis, inkluzite subtera voyo por evakuar personi sub la choseo.[2][1] Nun organizuro kunlaboras inter du lateri e la normi esas plu restriktiva.

Referi[redaktar | redaktar fonto]

  1. 1,0 1,1 Commemorata la tragedia del Tunnel del Monte Bianco - Autoro: Moreno Vignolini. Publikigita da Aosta Sera. Dato di publikigo: 24ma di marto 2009. URL vidita ye 15ma di decembro 2009. Idiomo: Italiana.
  2. Vue du dispositif de securité du Tunnel du Mont Blanc - Publikigita da [1] ATMB, Autoroutes et Tunnel du Mont Blanc. Dato di publikigo: 24ma di marto 2009. URL vidita ye 4ma di julio 2010. Idiomo: Franca, Italiana ed Angla.