Muhammad Ali Jinnah

De Wikipedio
Irez ad: pilotado, serchez
Muhammad Ali Jinnah
Jinnah1945a.jpg
Profesiono: advokato e politikisto
Lando: Flag of Pakistan.svg Pakistan
Naskodato: 25 di decembro 1876
Nasko-loko: Karachi, Britaniana India
(nune en Pakistan)
Mortodato: 11 di septembro 1948
Morto-loko: Karachi, Pakistan

Muhammad Ali Jinnah (n. Mahomedali Jinnahbhai ye la 25ma di decembro 1876 til la 11ma di septembro 1948) esis Pakistanan advokato, politikisto, e fondinto di Pakistan.[1]

Jinnah komencis verkar en London en 1892 ma balde abandonis la verko por studiar lego, e recevis influi de Britaniana liberalismo dil 19ma yarcento, inkluzite demokratial idei. Kande ilu retroiris a India ilu verkis kom advokato en Bombay, l'unika Mohamedan advokato en l'urbo.[1]

Il esis la chefo di Mohamedana Ligo de 1913 til 1947, ed esis l'unesma generala-guberniestro di Pakistan pos la nedependo, en 14 di agosto 1947, til lia morto. Komencis ilu defensis l'ideo pri l'uneso inter Mohamedani e Hindui por obtenar reformi en Britanian administrado en India. Ilu komencis divergar de Gandhi kande ilu propozis l'ideo pri satyagraha (ne violento ma ne koopero) kontre Britaniani. Jinnah konsideris satyagraha politikal anarkio e kredis ke on povus obtenar propra guvernerio por India tra konstitucala moyeni.

En oktobro 1934 Jinnah elektesis por Centrala Legifal Asemblajo (la basa chambro di Britanian India), quankam ilu lore stacis en London. En 1937 eventis provincal elekti en India, e la Mohamedana Ligo ne obtenis la majoritato inkluzite en la provinci ube Mohamedani esis la majoritato. Ta elekto afektis Jinnah profunde: pos ol, ilu komencis aceptar l'ideo pri dividar India en du stati. En multa provinci, lokala guverni facis nula esforco por respektar la kulturo e la religiala sentivesi di Mohamedani.

En 1940 Muhammad Ali Jinnah kunvokis renkontro di la Ligo por diskutar la situeso pos l'eniro di India en la duesma mondomilito. Jinnah kritikis forte Indiana Kongreso e la nacionalisti, e defensis l'ideo pri Du Separita Nacioni, e la motivi por demandar separita nacioni por Hindui e por Mohamedani.[2]

Pos la nedependo, ilu probis establisar la bazi dil guvernerio e politiki di la nova naciono. Jinnah konsideresas la maxim granda chefo e heroo di Pakistan, quankam Indiani ne havas bon imajo pri ilu.

Referi[redaktar | redaktar fonto]

  1. 1,0 1,1 Ahmed, Akbar S. (1997) - Jinnah, Pakistan, and Islamic Identity: The Search for Saladin - . Jinnah, Pakistan, and Islamic Identity: The Search for Saladin (en Angla). (London) Routledge.
  2. Wolpert, Stanley A. (1984) - Jinnah of Pakistan - . (New York) Oxford University Press.