Mumbai

De Wikipedio
Irez ad: pilotado, serchez
Mumbai
La Pordo di India, en Mumbai.
Lando: Flag of India.svg India
Regiono: Maharashtra
Informo:
Latitudo: 18º58'30" N
Longitudo: 72º49'33" E
Altitudo: 14 m
Surfaco: 437,71 km²
Habitanti: 13.830.884[1] (2010)
Denseso di habitantaro: 22.922 hab./km²
Horala zono: UTC+ 5:30
Urbestro: Shraddha Jadhav
Mapo:
Mapo di Mumbai
Oficala retosituo:
http://www.mcgm.gov.in/
Autobusi ed automobili en strado di Mumbai.

Mumbai, olim nomizita Bombay esas urbo en India, e chef-urbo dil stato Maharastra. Mumbai esas la maxim populoza urbo en India e la duesma maxim populoza urbo di la mondo kun preske 14 mil habitanti en la yaro 2010. [1]. La urbo centro kun vicina urbeti Navi Mumbai e Thane esas un ek la maxim populoza urbala regioni di la mondo. Mumbai jacas an la westala marbordo di India e posedas profunda, naturala portuo. Ol anke esas la maxim richa urbo dil suda, westa, o central Azia.

La sep insuli qui konstitucas Mumbai esis olim vilajeti en qui la precipua okupado esis peskado. Dum multa yarcenti l'insuli esis sub la sucedanta indejena imperii ante esir cedata al Portugalani e pose al Britaniana Est-India Kompanio. Dum 18ma yarcento la Britaniana koloniisti developis l'urbeto aden importanta komerco-centro per granda konstrukto-projeti. Mumbai kreskis kom l'ekonomial ed edukadala centro dum 19ma yarcento. Ol divenis forta fundamento por la movado por l'autonomeso di India dum la frua 20ma yarcento. Kande India ganis sua autonomeso l'urbo enkorpigesis en la stato Bombay. En la yaro 1960, la stato Maharashtra kreesis ed Bombay divenis lua chef-urbo. L'urbo oficale rinomizesis Mumbai en la yaro 1995.

Moderna edifici en Mumbai.

Mumbai esas la komercal e filmo-industriala chefurbo di India, produktante preske 5% di la kun-tara landala produkturo di India, e 70% di kapitala komercaji al ekonomio di India. Mumbai esas hemo di importanta financal institucuri quale la "Rezerve" Banko di India, la Bombay Borso, la Nacionala Borso di India, e la stabeyi di multa Indiana kompanii e multa-nacionala korporacioni. Ol lojigas la chefa nukleara institucuri quale la Bhabha Centro por Atomala Inquesto, Korporaciono di India por Nukleara Povo, Tata Institucuro di Fundamentala Inquesto. L'urbo anke lojigas la filmo e televizionala industrii di India, precipue ti qui produktas filmi per Hindi e Marathi lingui, plu multe konocata kom "Bollywood". Kun medio favoroza a komerco, e potencialo di ofrar plu bona moyeno por entrateno, Mumbai atraktas multa migranti de la tota India, qui konseque, facas en l'urbo mixuro di multa socii e kulturi.

Lua totala surfaco esas 437,71 km².

Referi[redaktar | redaktar fonto]