Nürnberg judicio

De Wikipedio
Irez ad: pilotado, serchez
Hermann Göring ed altra akuziti dum Nürnberg judicii.

Nürnberg judicii esis serio di militarala tribunali instalita pos duesma mondomilito da vinkinta nacioni (Usa, Sovietia, Unionita Rejio e Francia) en Germana urbo di Nürnberg por judiciar importanta chefi di Nacista Germania, akuzita da militala krimini, e krimini kontre homaro. Judicii komencis ye 20 di novembro 1945 e finis ye 1 di oktobro 1946. Malgre la maxim importanta figuri de Triesma Reich - Adolf Hitler, Joseph Goebbels e Heinrich Himmler - suocidis ante esar arestita, 24 importanta militala kriminozi esis judiciita. Martin Bormann, sekretario di nacista partiso, esis judiciita in absentia. L'akuzi kontre le 24 esis:

  1. partoprenar en komuna plano o konspiro por efektigar krimino kontre paco
  2. planigar e komencar militi di atako, ed altra krimini kontre paco
  3. milito-krimini
  4. krimini kontre homaro

Hermann Göring, malgre sua sedukto, esis judiciita e kondamnita a morto da jibeto, ma suocidis 1 dio ante exekuto. Hans Frank, Joachim von Ribbentrop, Wilhelm Frick, Alfred Jodl, Ernst Kaltenbrunner, Wilhelm Keitel, Alfred Rosenberg, Fritz Sauckel, Arthur Seyss-Inquart e Julius Streicher esis kondamnita a mortopuniso da jibeto. L'arkitekto Albert Speer e la chefo di Hitler-yuneso Baldur von Schirach esis kondamnita a 20 yari en karcero. Erich Raeder e Rudolf Hess esis kondamnita a enkarcerigo por la vivo. Admiralo Karl Dönitz esis kondamnita a karcero dum 10yari. Tandem, Hans Fritzsche, Franz von Papen e Hjalmar Schacht esas absolvita.

De 9 di decembro 1946 til 20 di agosto 1947 okuris la "Judicio di la Mediki" ke judiciis mediki qua praktikis experimentado en homi ed amaso-mortigi, maskarita kom eutanazio, en gaso-chambri. Sep esis kondamnita a mortopuniso ed exekutita ye 2 di junio 1948: Viktor Brack, Karl Brandt, Rudolf Brandt, Karl Gebhardt, Waldemar Hoven, Joachim Mrugowsky e Wolfram Sievers.