Scheveningen

De Wikipedio
Salti al navigilo Irez a serchilo
Plajo en Scheveningen

Scheveningen esas un ek la ok distrikti di Den Haag, Nederlando, ultre subdistrikto (wijk) di ta urbo.

Scheveningen esas moderna marbordala vakanceyo kun longa, sabloza plajo, esplanado, "pier" e faro.  La plajo esas populara por aquo-sporti quala "windsurfing" e "kiteboarding".

La portuo esas uzata por e peskado e turismo.

Historio[redaktar | redaktar fonto]

La maxim frua refero a la nomo Sceveninghe devenas de la yaro 1280.

La unesma habitanti forsan esis anglosaxoni.  Altra historiisti favoras skandinavian origino.  Peskado esis la chefa fonto di nutrivo e revenuo.

La Batalio di Scheveningen esis luktata inter anglanederlandana floti proxim la litoro di la vilajo ye 10ma agosto 1653.  Mili de homi kunvenis sur la plajo por spektar.

Strado a vicina Den Haag konstruktesis en 1663 (nuna nomo: Scheveningseweg).

En 1470, sturmego destruktis la kirko e duimo de la domi.  La vilajo ri-frapesis da sturmi en 1570, 1775, 1825, 1860, 1881 e 1894.  Pos ica lasta, la vilajani decidis konstruktar portuo.  Til lore, la pesko-navi havabis plata fundo (bomschuiten), ed on tiris oli adsur la plajo.  Cirkume 1870, plu kam 150 tala navi uzesis.  Kande la portuo konstruktesis en 1904, plu moderna navi remplasis le bomschuiten.

En 1818, Jacob Pronk konstruktis ligna edifico sur duno proxim la maro, de ube on povis balnar en quar aparta chambri.  To signalis la komenco di Scheveningen kom balneyo.  Depos lore, Scheveningen atraktis multa turisti de cirkum Europa, notinde de Germania.

La vilajo atraktis plura nederlandana artisti tra la yarcenti, qui piktis le bomschuiten sur la plajo, o peskisti laboranta en la Norda Maro.  Notinda piktisti qui piktis la vilajo inkluzas Adriaen van de VeldeSimon de Vlieger e Hendrik Willem Mesdag, da qua la granda panoramo, 14m alta e 120m larja, prezervas la vidajo di Scheveningen en 1881.

La Internaciona Sket-Uniono fondesis en Scheveningen en 1892.

Radio[redaktar | redaktar fonto]

La navo Nordeney di Radio Veronica

De 21ma aprilo 1960, la pirato-radio-kanalo Radio Veronica brodkastis programi de ankrageyo en la Norda Maro c. quar milii de la Scheveningen-litoro; la originala nomo esis Vrije Radio Omroep Nederland (VRON; Libera Radio-Kanalo di Nederlando).  Arivis anke Radio Noordzee Internationaal en 1970 e la rilansita Radio Caroline en tarda 1972.

Kande Nederlando ratifikis la Pakto di Strasbourg ye 1ma septembro 1974, Veronica demandis legala rango e divenis la VOO, Caroline transankragis al angla marbordo, e RNI klozesis tote.  Memorinda epizodi dum ta periodo inkluzis la strando dil navo di Radio VeronicaNorderney, quo perdis sua ankro dum sturmo e strandis sur Scheveningen-plajo ye 2ma aprilo 1973; e fairobomb-atako kontre la navo di RNI, Mebo II, ye 15ma mayo 1971.

Kulturo[redaktar | redaktar fonto]

Yarala eventi inkluzas:

Vizito a Scheveningen povus inkluzar:

Nokto-vivo fondesas sur la cimeno Pathé Scheveningen, e la marbordala bulvardo kun drinkeyi, restorerii, pario-hali ed altra amuzivi.