Seattle

De Wikipedio
Irez a navigado Irez a serchilo
Seattle
Seattle Collage White.jpg
Kelk imaji pri Seattle.
Lando: Flag of the United States.svg Usa
Regiono: Washington (stato)
Informo:
Latitudo: 47°36'0" N
Longitudo: 122°19'0" W
Altitudo: 4,2 m
Surfaco: 369,2 km²
Habitanti: 753 675 (2019)
Denseso di habitantaro: 3464,55 hab./km²
Horala zono: UTC-8
(UTC-7 dum la somero)
Urbestro: Jenny Durkan (D)
Mapo:
Mapo di Seattle
Oficala retosituo:
www.seattle.gov/
Space Needle, turmo en Seattle.

Seattle esas importanta portuala urbo la maxim populoza urbo de Pacifika nord-westal Usa (Washington) inter Puget Sound e lago Washington, jacanta cirkume 180 km sude de la frontiero kun Kanada en la komtio King. Segun statistiki por la yaro 2019, ol havis 753 675 habitanti. Lua metropolala regiono havas 3,98 milion habitanti, esanta la 15ma maxim populoza de Usa.

Seattle surnomizesas smerald urbo e pluvo urbo. Ol esis la nasko-loko di Jimi Hendrix, e l'origino di la bandi Nirvana, Pearl Jam, Soundgarden, Foo Fighters ed Alice in Chains, ed anke la nasko-loko dil muzikala rock-stilo grunge.

Seattle fondesis en 1851. Lua unesma ekonomial agado esis l'extraktado di ligno. Nun, Boeing, Microsoft ed Amazon.com esas inter la maxim granda entraprezi instalita ibe. Ol ank esas sideyo di importanta universitati, exemple University of Washington Educational Outreach, l'Universitato di Washington e l'universitato Seattle Pacific.

Historio[redaktar | redaktar fonto]

Portuo di Seattle en 1880.

Arkeologiala restaji montras ke la regiono de Seattle habitesas de adminime 4.000 yari ante nun. Kande l'Europani arivis, lokala populo, pose nomizita "tribuo Duwamish" okupis cirkume 17 vilaji apud la bayo Elliot.

L'unesma Europano qua vizitis la regiono esis George Vancouver, en mayo 1792 dum ilua expediciono por mapigar la nord-westala rivo di Nord-Amerika. En 1851, pioniri komandita da Luther Collins establisis su en la regiono.

Geografio[redaktar | redaktar fonto]

Lago Union, vidita de la kulmino di Space Needle.

La reliefo di Seattle esas kolinoza e, quale Roma, on dicas ke ol kreesis sur 7 kolini, ordinare mencioninta Capitol Hill, First Hill, West Seattle, Beacon Hill, Queen Anne, Magnolia, ed olima Danny Hill. Lua mezavalora altitudo esas 53 metri e lua maxim alta punto jacas 158 metri sur la marala nivelo metri super la marala nivelo.

La klimato dil urbo esas moderema, kelkafoye klasifikata kom Mediteraneala (Csb) od oceanala (Cfb segun la klimatala klasifikuro da Köppen). La mezavalora temperaturo en agosto (somero) esas 19,7°C, kontre ke la mezavalora temperaturo en decembro (vintro) esas 5,6°C.

La pluvoza sezono iras de oktobro til aprilo. La mezavalora yarala pluvo-quanto esas 999 mm, e la maxim pluvoza monato esas novembro, kun mezavalore 160 mm.

Stretajo Puget Sound e partal imajo pri Seattle.
Stretajo Puget Sound e partal imajo pri Seattle.

Transporto[redaktar | redaktar fonto]

L'aeroportuo Seattle–Tacoma esas la maxim granda internaciona aeroportuo de la nord-westala regiono di Usa apud Pacifiko, ed atendas ambe Seattle e Tacoma. En 2020, entote 20 061 507 veheri uzis ol.

Pri publika transporto, Seattle havas 134 kilometri di suburbala treni, kun 12 stacioni distributata en du linei, nordala e sudala. L'urbo anke havas du linei di lejera treni (fakte tramveturo) kun 22 stacioni, kovranta 35,33 kilometri.

Kelka famoza personi qui habitis Seattle[redaktar | redaktar fonto]


Referi[redaktar | redaktar fonto]