Florianópolis

Florianópolis
Kelk imaji pri Florianópolis.
Standardo	Blazono
Lando:	Brazilia
Stato:	Santa Catarina
Informo:
Fondita ye:	23ma di marto 1673
Latitudo:	27°35'49" S
Longitudo:	48°38'52" W
Altitudo:	3 m
Surfaco:	675,4 km²
Habitanti:	469 690 (2015)
Denseso di habitantaro:	695,42 hab./km²
Disto de Brasília:	1672 km
Horala zono:	UTC-3 (UTC-2 dum la somero)
Urbestro:	Gean Loureiro (PMDB) (2017-2020)
Mapo:
Oficala retosituo:
www.florianopolis.sc.gov.br

Avenuo Beira Mar.

Florianópolis esas chef-urbo di la stato Santa Catarina, en Brazilia. Ol jacas an marala insulo anke nomizita Santa Catarina, proxim la litoro. Parto del urbo (20 km²) jacas an la kontinento. Segun statistiki de 2015, Florianópolis havis 469 690 habitanti.

Komerco e servado esas importanta ekonomial agadi por l'urbo. Turismo anke esas importanta: lua plaji recevas multa turisti, note Arjentiniani ed Uruguayani, ma anke Braziliani de altra regioni. La sideyo dil Universitato Federala di Santa Catarina (UFSC), e du skolo-tereni dil Universitato dil Stato Santa Catarina jacas en la urbo.

Historio

L'urbo fondesis en 1726 da Acoriana koloniigisti.

Geografio

Imajo pri Lagoa da Conceição, granda laguno an l'insulala teritorio di Florianópolis.

La litoro di Florianópolis havas multa bayi, peninsuleti, insuleti e lagi. La maxim granda laguno esas Lagoa da Conceição, kun entote 19,71 km². La reliefo dil urbo esas montoza an la centro dil insulo e plana en altra regioni. La maxim alta punto jacas 532 metri super la marala nivelo.

Florianópolis havas varma e humida subtropikala klimato (Cfa segun la klimatala klasifikuro di Köppen). La mezavalora temperaturo en februaro (somero) esas 24,6°C, dum ke la temperaturo en julio (vintro) esas 16,5°C.

La mezavalora yarala pluvozeso esas 1517,8 mm. Ne existas sika sezono, e la maxim pluvoza monato esas februaro, kun mezavalore 196,9 mm.