Stephen Jay Gould
| Stephen Jay Gould | ||
| Profesiono: | Paleontologiisto e biologiisto | |
| Lando: |  Usa
| |
| Naskodato: | 10 di septembro 1941 | |
| Nasko-loko: | New York, Usa | |
| Mortodato: | 20 di mayo 2002 | |
| Morto-loko: | mem urbo | |
Stephen Jay Gould (1941 til 2002) esis Usana biologiisto e paleontologiisto. Ilu developis grande la teorio di evoluciono dum la 20ma yarcento. Un de lua famoza idei esas la teorio dil interruptita equilibro (Angle punctuated equilibrium), qua supozas ke evoluciono ofte aquiras transitora equilibri pose sequita per periodi di rapida chanjo. Lu anke remarkesas pro sua libri ed esayi populara. Ilu ofte laboris kun Richard Lewontin.
Gould docis precipue en l'Universitato di Harvard.
Il havis prominenta rolo kom testo por evoluciono, e kontre la kontre-evolucionismo en ula procesi pri la docado dil evoluciono-teorio en Usana publika skoli.
Gould ne tre explicitigis sua opinioni politikala, ma dicabis ke il esas centrosinistra. Il anke esis senreligia agnostikisto e propagis la ideo ke cienco e religio esis non-overlapping magisteria (ne-klinanta faki, ofte nomizita NOMA), opozante la nociono ke cienco e religio sempre o precipue konfliktas.