Traktato di Guadalupe-Hidalgo

De Wikipedio
Jump to navigation Jump to search
Ex-Mexikiana teritorii, cedita ad Usa per la Traktato di Guadalupe-Hidalgo.

Traktato di Guadalupe-Hidalgo (Hispane Tratado de Guadalupe Hidalgo, Angle Treaty of Guadalupe Hidalgo) esis paco-pakto en granda parto diktatita dal Usa a la provizora guvernerio di Mexikia, qua finis Mexikia-Usana milito (1846 til 1848). La termini di paco-pakto negociesis da Nicholas Trist, reprezentero dil Usana prezidanto James Knox Polk, ed obligis Mexikia cedar ad Usa la nuna teritorii di Kalifornia, Nevada, Utah, e granda parto di la nuna Arizona, Nova Mexikia e Kolorado. Mexikia anke abandonis revendiki pri Texas.

La traktato anke certigis sekureso di existanta privata proprietaji di Mexikiana civitani qui vivis en la transferita teritorii. Usa anke aceptis asumar la 3,25 milion dolara debo qua Mexikia havis kun l'Usana civitani.