Abelo

De Wikipedio
Irez ad: pilotado, serchez
Abelo en floro di persikiero.
Wikipedio
Wikivortaro explikas
ca rubriko
en altra lingui: Abelo

Abelo esas fluganta insekto. Ol esas membro dil ordeno himenoptero.

Adulto nutrivas generale per nektaro. Abelo esas importanta poleno-agento kun multa hari ed elektostatika charjo. Lia boca-peci esas suga tipo kun la lango rifaldebla en la boko.

Femini havas venena, barboza e tre movebla dardo qua povas servar unfoye. Kelka speci ne havas dardo.

Kom hemala “bestii”, mielo-produktanta abeli originale uzesis nur en la nordala hemisfero, en Europa, Afrika ed Azia. Ad esta Nord-Amerika mielo-abeli transportesis dum 17ma yarcento, ma erste dum 19ma yarcento a westa Nord-Amerika, Kanada, Australia e Nova-Zelando.

En produkto di mielo on explotas quar speco di abeli, qui omni apartenas ad Apis-familio. Maxim larja-expansinta esas Apis mellifera, qua esas originala mielo-abelo dil olda mondo. En Azia existas tri speci: Apis dorsata, la giganto-abelo, Apis florea, la mikro-abelo, ed Apis cerana, l’ Indian-abelo, qua semblas Apis mellifera.

En kelka arei di tropiko on edukas Melipona- e Trigona-abeli, qui ne havas dardi. Ca speci quankam ne esas tala produktiva kam abeli dil Apis-familio.