Amazon

De Wikipedio
Irez ad: pilotado, serchez
Amazon-fluvio komencas en monto Nevado Mismi, cirkum Arequipa, Peru, a 5.170 metri di altitudo.

Sud-Amerikana Amazon-fluvio komencas en Peruana supra-lando e fluas este ad Atlantiko tra Brazilia. La fluvio esas 6.400 km longa. Ol formacas maxim vasta e diversa ekologiala sistemo en mondo.

Mapo di Amazon fluvio-baseno.

Amazon esas maxim granda fluvio-baseno. La fluvio kontenas 20 % de sensala aquo en mondo. Dum un dio fluas ek Amazon equala quanto de aquo kam ek Thames (en Anglia) po un yaro. On povas trovar sensala aquo mem en disto di 250 km de rivo en Atlantiko.

Ye 1500, Vicente Yañez Pinzón divenis l'unesma Europana qua navigis en Amazon. Ilu baptis ol "Río Santa María de la Mar Dulce" (Fluvio Santo Maria di Dolca Maro). Portugalani nomezis ol "Amazonas" (Amazon) kande ili observis indiana mulieri cirkum lua rivo, en homajo a mitologiala mulieri de Anciana Grekia.