Bruce Willis

De Wikipedio
Bruce Willis
Profesiono: cinem-aktoro
Lando: Usa
Naskodato: 19 di marto 1955
Nasko-loko: Idar-Oberstein, West-Germania
Mortodato:

Walter Bruce Willinson, alias Bruce Willis (n. ye la 19ma di marto 1955) esas Usan aktoro.

Lua patro esis Usana soldato (David) e lua matro esis Germanino (Marlene). En 1957 la familio translojis a Nova-Jersey. Ibe la futura filmo-stelo frequentis skolo. En 1971 David, nun weldisto, e Marlene, hemala matro, divorcis.

La matro impulsis Bruce, la taxiisto e noktala guardisto, enirar universitato en 1973. Ibe Bruce impetuis pri pleado en teatro e pose ilu translojis a Manhattan e studiis sub la kondukto di dramato-docisto Stella Adler. Samatempe Bruce komencis vesperala laboro en taverno.

En 1977 Bruce Willis pleis unesmafoye profesionale en la dramato Heaven and Earth. En 1980 ilu esis kurte vidita en la filmo The First Deadly Sin kom aden taverno venanta viro. En 1984 ilu vizitis en parto di Miami Vice. Samayare ilu partoprenis probala cinematografo por esar amanto di Madonna en la filmo “Ube tu esas, Susan?” Ilu ne ganis la rolo, ma la probi duktis a la rolo en la filmo Moonlight en 1985.

En 1986 la kantanta stelo publikigis muziko-disko The Return of Bruno. La granda kanto esis Respect Yourself. En 1987 Willis esis arestita pro bruisoza hemala festo . Nova muziko-albumo publikigesis en 1989.

En 1987 Willis inkuris Demi Moore e pose mariajis kun elu. La mariajo esas en 1988 dum la cinematografo di la unesma Die Hard. La filmo divenas serio: Die Hard 2 en 1990, Die Hard 3 en 1995. En 1989 Bruce donis sua voco por bebeo en la filmo Who’s talking?

En 1991 Bruce Willis kompozis muziko por la filmo Hudson Hawk, ma la filmo ne esis sucesoza. En 1994 Willis pleis kom boxisto Butch en la filmo Pulp Fiction, qua donis nova acenco por la stelo. En 1995 ilu pleis en la filmo 12 simii da ex-Monty Python Terry Gilliam. En 1997 ilu pleis en Fifth Element e Shakalo. En 1998 ilu pleis en Armageddon kom oleo-drilisto Stamper, qua salvas tota mondo. En 1999 ilu pleis en la filmo Sixth Sense da M. Night Shyamala. La kunlaboro prolongis en 2000 en Unbreakable.

En 2000 Bruce e Demi divorcigis. Li havis tri filiini (naskinta en 1988, 1991 e 1994). La genitori disputis pro havajo di 150 milion dolari. En 2001 Bruce Willis anuncis ke ilu ne plue pleis en aktionala filmi. Quankam en 2003 ilu pleis en la filmo Tears of the Sun e en 2005 en Hostage.

Extera ligilo[redaktar | redaktar fonto]

Oficala retsituo di Bruce Willis.