Edward Sapir

De Wikipedio
Irez ad: pilotado, serchez
Edward Sapir
Profesiono: Antropologo e linguisto
Lando: Flag of the United States.svg Usa
Nasko-dio: 26 di januaro 1884
Nasko-loko: Lauenburg, Prusia
Morto-dio: 4 di februaro 1939
Morto-loko: New Haven, Connecticut, Usa

Edward Sapir naskis en 1884, mortis en 1939) esis Usan antropologo e linguisto, guida figuro en l'Usana strukturismo. Il naskis en Lauenburg, Germania (qua nun estas Lębork en Polonia. Il studis sub Franz Boas, instruisto di Benjamin Whorf.

Il esis profesoro en l'Universitato di Chicago e pose en Universitato Yale. Il esis unu de l'unesma explorinti dil rilati inter linguistiko ed antropologio.

Esploro-temi[redaktar | edit source]

Sapir studis multa lingui e populi, inkluzive plura Atabaskana lingui, la chinuka, la dinea, la nutka e la pajuta.

Hipotezo di Sapir-Whorf[redaktar | edit source]

Ja unuflanke Sapir parolas en ilua verko linguo, enkonduko en parolstudo, en l'enkonduko, pri:

l'iluzio, ke penso povus esar sen linguo

tale celante generala penskapablo e generala parolkapablo, ma en la chapitro 9a, il dicas:

... Esas facile montrar, ke linguo e mori ne havas esensa interdependo. Idiomi nultempe parenca okaze apartenas a sammora populi, e tre proxima lingui (kelkokaze unu sama linguo) dependes ye diferenta kulturcentri. Di to on trovas multa frapa exempli inter proloja populi di Nord-Amerika...

Sapir ed internaciona helplingui[redaktar | edit source]

Sapir interesigis pri alpreno di internaciona helplingui. En artiklo aperinta en 1925 "The Function of an International Auxxiliary Language"[1] ("La funciono di Internaciona Helpolinguo") il analizas la neceso di internaciona helpolinguo, montras ke quankam l'Angliana, segun il, jam esis o tre balde esas farigonta l'universala helpolingo, ol ne omne bone fitas. Il por to argumentas per l'ambigueso di Angliana vorti qua povas esas senchanje ka nomi ka verbi, e per manko di sistemala derivsistemo, qua ifas l'Angliana multe plu desfacile regebla di exterlandi kam unesmevide supozite. Il aspiras al internaciona planlinguo e ne konsideras Esperanto esas la maxim apta. Il opinionas ke cientisti devas explorar por interkonsentar pro qua esez la maxim fita planlinguo. Li konsequence prezidis en 1930 kaj 1931 IALA (International Auxxiliary Language Association) qua en 1951 esis publikigonta Interlingua da Alexander Gode. Tamen Sapir ne rekte rilatas a Interlingua qua esis kreita plura yari pos ilua morto.

Referenci[redaktar | edit source]

  1. The Function of an International Auxxiliary Language, E. Sapir Unesme publikigita en Romanic Review, Julio 1925. Anke publikigita en H. N. Shenton, E. Sapir and O. Jespersen, International Communication: A Symposium on the Language Problem, London 1931, pp. 65-94.

Literaturo[redaktar | edit source]