Pirateso

De Wikipedio
Irez ad: pilotado, serchez
Flago di pirato Jack Rackham (konocita kom Calico Jack).

Pirateso esas furto exekutita en maro od anke en lando, da un persono o grupo sen procuraco di ula suverena stato (lor korsaro).

L'unesma dokumenti ke mencionis ataki di pirati datizas de 13ma yarcento aK. Grekiani mencionis ataki di pirati en Egea Maro. Dum Mez-epoko, Vikingi atakis nuna Anglia ed Europana kontinento, til Italia en sudo e Rusia en esto.

Pirati en Karibeano[redaktar | edit source]

Grupo di pirati komandita da Bartholomew Roberts.

En Karibeano, la periodo di klasika pirateso esis de aproxime 1560 til 1760, e sua periodo di maxim suceso esis de 1640 til 1680. Famoza pirati de Karibeano esis Edward Teach (konocita kom "Nigra Barbo"), Francis Drake, Henry Morgan, William Kidd, Bartholomew Roberts, ed altre. Kelka pirati uzis l' insulo di Tortuga kom bazo di operaci.

Moderna pirateso[redaktar | edit source]

Moderna pirateso uzas bateleti por atakar granda navi en maro od anke en portui por furtar valoroza produkti. Generali, mikra grupi kun 4 til 10 personi atakas un batelo, ma grupi kun 70 personi en plu di uno bateleto povas atakar un granda navo. La stretajo di Malaka e la litoro di Somalia esas hodie konocita regioni di moderna ataki di pirati.