Alexandros la Granda
| Alexandros la Magna | ||
| ||
| Rejulo di Macedonia | ||
| Guvernisteso: | de 336 aK til 323 aK | |
| Precedanto: | Filipus la 2ma | |
| Sucedanto: | Alexandros la 4ma | |
| Personal informi | ||
| Naskodato: | 20 di julio 356 BC | |
| Naskoloko: | Pella, Macedonia | |
| Mortodato: | 10 di junio 323 BC | |
| Mortoloko: | Babilonia | |
Alexandros la Magna (en antiqua Greka: Ἀλέξανδρος ὁ Μέγας / Aléxandros ho Mégas o Μέγας Ἀλέξανδρος / Mégas Aléxandros) od Alexandros III di Macedonia (Ἀλέξανδρος Γ' ὁ Μακεδών / Aléxandros III ho Makedốn), naskinta ye la 20ma o la 21ma di julio 356 aK e mortinta ye la 10ma o la 11ma di junio 323 aK en Babilonia, esis rejulo di Macedonia ed un ek maxim famoza personaji del Antiqueso.
Filiulo di Filipus la 2ma, dicipulo di Aristotes e rejulo di Macedonia depos 336 aK, Alexandros divenis un ek la maxim importanta konquesteri de la Historio. Tra kontinua militistala kampanii dum lua regno, ilu transformis lua mikra rejio en suvereno dil imensa imperio Persa del Akemenidi, avancis kun lua trupi til la rivo dil fluvio Indus e fondis preske sepadek urbi, di qui la maxim multa recevis la nomo Alexandria.
La notoreso di Alexandros esas komprenebla precipue pro sua volo pri konquestar la tota mondo lor konocita. La konsequantajo di ca deziro, samatempe iluzionoza e realista, esis, dum kurta tempo — ante ke ilu mortis subite evante triadek e du yari — la politikala uneso inter Ocidento ed Oriento, qua nulatempe pose eventis. Ilu judikesas kom un ek la maxim bona strategiisti de la historio.
La heredo di Alexandros, markizita per sua volo pri kunfuzar la kulturi greka ed orientala, esas dividita inter sua generali por formacar diversa rejii e dinastii di la Greka periodo.
Alexandros konquestis granda Imperio qua inkluzis Mezopotamia, Anciena Egiptia, Grekia, granda parto di la nuna Turkia (inkluzite Anatolia), Siria, Gaza, Fenicia e Persia. Kun lua armeo, ol atingis la regiono dil fluvio Indus, en la nuna India.
