Barcelona

De Wikipedio
Irez a navigado Irez a serchilo
Barcelona
Barcelona collage.JPG
Kelk imaji pri Barcelona.
Flag of Barcelona.svg Escut de Barcelona.svg
Standardo Blazono
Lando: Flag of Spain.svg Hispania
Regiono: Katalunia
Informo:
Latitudo: 41°24'07"N
Longitudo: 2°10'17"E
Altitudo: 12 m
Surfaco: 101,4 km²
Habitanti: 1 620 809 (2017)
Denseso di habitantaro: 16.000 hab./km²
Disto de Madrid: 619.53[1] km
Horala zono: UTC+1
(UTC+2 dum la somero)
Urbestro: Ada Colau i Ballano
Mapo:
Mapo di Barcelona
Oficala retosituo:
www.barcelona.cat
Nacionala Muzeo pri Arto di Katalunia, en Barcelona.

Barcelona esas la duesma maxim populoza urbo di Hispania dop Madrid, ed esas la chef-urbo e maxim granda urbo di Katalunia. Segun statistiki dil yaro 2017 ol havis 1 620 809 habitanti[2]. Lua tota surfaco esas 101,4 km². Lua metropolala regiono havas plu kam 5 milion habitanti.

Barcelona esas importanta portuo sur la litoro di Mediteraneo, distanta 100 km sude de Pirenei (Francia). Ol esas importanta centro turismala, ekonomiala e kulturala en la mondo. Ol havas 4,5 km di plaji, muzei e parki qui atraktas la vizitanti. Ol anke gastigas importanta universitati, exemple la Politeknikal Universitato di Katalunia (Universitat Politècnica de Catalunya), l'Universitato di Barcelona, l'Universitato Pompeu Fabra, ed altri.

La famoza futbalo-klubo FC Barcelona esas la maxim konocata e sucesoza sporto-klubo di la urbo.

Historio[redaktar | redaktar fonto]

L'origino dil urbo ne esas klara. Proxim Raval trovesis arkeologiala restaji de ante 5.000 yari aK. Segun legendo, ol fondesis dal Kartagana generalo Hamilcar Barca, filiulo de Hanibal, dum la 3ma yarcento aK. Cirkume la yaro 15, Romani ridesegnis l'urbo quale castrum (militistala kampeyo Romana). Sub la Romani, ol divenis kolonio kun la nomo Faventia. Romana geografo Pomponius Mela mencionis ol kom un ek la min granda urbi del distrikto, probable pro ke lua vicina Tarraco (nune Tarragona) esis plu granda kam ol.

Dum la 5ma yarcento, ol okupesis dal Visigoti, komandita da Ataulf, qui venis de la nordo di Europa. Dum la 8ma yarcento, ol okupesis dal Mauri, komandita da Al-Hurr ibn Abd al-Rahman al-Thaqafi.

Geografio[redaktar | redaktar fonto]

Satelital imajo pri Barcelona.

La reliefo di Barcelona esas plana, inter la delti dil fluvii Llobregat, sudweste, e Besós, nord-este. Nur mikra parto de lua teritorio jacas an la montareto Collserola. La maxim alta punto dil urbo esas la monto Tibidabo, jacanta 512 metri super la marala nivelo.

La klimato dil urbo esas Mediteranea, kun marala influo (Csa segun la klimatala klasifikuro da Köppen). La mezavalora temperaturo en januaro (vintro) esas 11,8°C, kontre ke la mezavalora temperaturo en agosto (somero) esas 26,1°C.

La mezavalora yarala pluvo-quanto esas 565 mm, e la maxim pluvoza monato esas oktobro, kun mezavalore 96,5 mm. La maxim pluvoza epoko iras de la fino dil somero e la komenco dil autuno. Pro la proximeso kun Mediteraneo, la mezavalora humedeso dil aero esas alta - 69% til 70% - e ne varias multe dum tota yaro.

Barcelona vidita vers la litoro.
Barcelona vidita vers la litoro.

Referi[redaktar | redaktar fonto]

  1. http://es.distance.to/Madrid/Barcelona
  2. Barcelona. URL vidita ye la 25ma di septembro 2015.
Commons
Commons havas kontenajo relatante a: