Camiel de Cock
Camiel de Cock (n. ? - m. decembro 2009[1]) esis belga idisto.
Il servis kom Linguala Sekretario ("Sekretario por Linguala Questioni") dil Uniono por la Linguo Internaciona Ido (ULI) dum un yaro til ke il demisionis en 1991. Dum ta tempo il editis l'unesma Lexiko di Nova Vorti (1988, Editerio Progreso). Lua sucedanto en ta ofico esis Robert Carnaghan, lua preiranto en ta ofico esis Roger Moureaux.
Camiel de Cock divenis Idisto en 1980[2]. Il renkontris la Belgian Idisti Jacques Bol, Franz Regnier e Andreas Juste e decidis laborar kun li. En 1985 Camiel de Cock organizis l'Internaciona Ido-konfero en Antwerpen, Belgia. Andreas Juste propozis a Camiel de Cock kompilar vortaro de nov ofical Ido-vorti, olqua imprimesis financizita da Hellmut Röhnisch (en Suedia). Camiel de Cock aceptis divenar Sekretario por Lingual Aferi en 1990. En l'Ido-konfero en Oostende, en 1991, anke organizita da Camiel de Cock, on decidis krear Linguala Komitato, di qua De Cock esis la prezidanto. Pro nekonocata motivi ilta demisionis e livis Ido, pos qua Robert Carnaghan transprenis l'ofico.
Referi
[redaktar | redaktar fonto]- ↑ Don Gasper en Progreso 346, 2010
- ↑ Jacques Bol che Idolisto ye 2004-11-15 (mesajo n-ro 13008)