Irez a kontenajo

Robert Carnaghan

De Wikipedio

Robert Carnaghan esas angla idisto.

Il havas reputeso pro lua savo ed experteso pri la linguo Ido, e servis kom la Linguala Sekretario ("Sekretario por Linguala Questioni") dil Uniono por la Linguo Internaciona Ido (ULI) dum plura yari (1992-2008). Dum ta tempo il editis la duesma Lexiko di Nova Vorti (2001, Editerio Progreso; l'unesma Lexiko editesis da Camiel de Cock en 1988). Lua sucedanto en ta ofico esis Goncalo Neves, lua preiranto en ta ofico esis Camiel de Cock.

Il anke en frua 1997 kreis un ek l'unesma reto-situi pri Ido (preske samtempe kam aparis la reto-situo da James Chandler).

Il asistis Ido-konferi, exemple la Ido-Konfero 2002 en Krakow, Polonia. Il personale konocis kelka importanta idisti, exemple Heinz Jacob e Henry Meulen.

Extera ligili[redaktar | redaktar fonto]