James Chandler
James Chandler esas Britaniana Idisto, qua deskovris Ido en novembro 1996.
Quale multa Idisti, il trovis Ido per Esperanto. Il lerneskis Esperanto, ma balde deceptesis, segun il, pro la tro multa defekti di la linguo di Zamenhof. Balde il trovis, ke existas altra interlingui kam Esperanto, e decidis kontaktar la Ido-movemento en Britania (ILSGB).
Il establisis un ek l'unesma du ret-situi pri Ido en frua 1997: The International Language Ido - Reformed Esperanto Samtempe il deskovris l'altra situo, da Britaniana Idisto Robert Carnaghan: The International Language Ido - Improved Esperanto
Il studiis matematiko che l'Universitato di Exeter en Anglia de 1991 til 1999. En 1997 il fondis l'unesma postolisto pri Ido, qua lore nomesis 'Idol', per la Listserv-sistemo dil universitato. Ta listo transferis en 1999 a Yahoo Groups kun la nova nomo 'Idolisto': Idolisto
Il redaktis kelka numeri di Ido-Vivo, la revuo dil ILSGB. Pluse il kontributis plura artikli a Progreso, la centrala Ido-jurnalo di ULI. Il asistis du Ido-konferi: Bakkum, Nederlando (1997) e Grossbothen, Germania (2003).
Altra Ido-projeti lua inkluzas la situo 'Europa', la situo 'Travlang' e la forumo 'Linguolisto'. Il anke administris la forumi 'Francidol' (por Franca-parolanti) ed Ido-angla (por Angla-parolanti). Nuntempe il laboras pri diversa tradukuri e pri expansar Wikipedio en Ido.
Il anke parolas l'interlinguo Novial da Otto Jespersen, e kreis situo pri ta linguo: Novial-Informatione
Chandler tradukis multa artikli, esayi e rakonti da plura autori (Albert Camus, Arthur Koestler, Jon Ronson, Jorge Luis Borges, Joseph Skibell, Paul Bowles e Raymond Carver, i.a.) e anke longa interviuvo kun Terence McKenna e publikigis oli en la Ido-parto di sua interlinguala portalo.
Kom libri aparis yena verki da lu:
- Albert Camus: L’enigmato. Esayi da Albert Camus, tradukita ad Ido da James Chandler. s.l. Somero (librigita da Gert Heintze) 2018, 14 g. (pdf-edituro)
- Terence McKenna kun Art BellTerence. McKenna diskutas kun radio-hosto Art Bell che Coast to Coast AM en mayo 1997. Tradukita da James Chandler. 106 p. 2020. (pdf-edituro)
En mayo 2020 il anuncis che la forumo Idolisto ke il decidis livar la Ido-movado e transirar al auxiliara linguo Interlingua di IALA, pro la duranta manko de linguala laboro ed anke pro diferanta prioresi kam la cetera idisti (di qui la unesma prioreso esas Facebook ed altra sociala reti). Il komencis publikigar texti en Interlingua che ca pagino.
Profesionale il laboras depos 1999 kom konsultanto en l'informatiko-industrio.
En 2022 il partoprenis la grupo Linguo che GoogleGroups ube per diskuto e votado on probis solvar linguala problemi en Ido (malgre ke la grupo ne havis l'autoritato por oficaligar vorti).
Extera ligili
[redaktar | redaktar fonto]- http://interlanguages.net Retosituo pri internaciona auxiliara lingui
- http://interlanguages.net/yindex.html Pagino pri Ido
- https://archive.org/details/interlanguages Permananta spegulo dil retosituo interlanguages.net
- https://archive.org/details/@idojc Biblioteko di relatanta dokumenti che archive.org