Divido di Afrika
La divido di Afrika o partigo di Afrika o konquesto di Afrika esis l'invado, l'anexo e koloniigo di granda parto di Afrika da 7 Europana povi dum kurta periodo di tempo, de 1881 til 1914, konocata kom "nova imperialismo". De la 10% di la kontinento qua esis direte sub Europana kontrolo en 1870, kreskis a preske 90% en 1914, e nur Etiopia (Abisinia) e Liberia duris restar nedependanta. Tamen, Etiopia pose invadesis da Italia de 1936 til 1941.
La konfero di Berlin de 1884 til 1885, qua regulis Europana koloniigo e komerco en Afrika, ordinare aceptesas kom la komenco di ta divido. Dum la lasta quarimo dil 19ma yarcento existis granda rivaleso inter Europana povi, tamen la partigo di Afrika facesis sen milito inter li.