Afrikana Uniono

De Wikipedio
Salti al navigilo Irez a serchilo
Stati membri di Afrikana Uniono.

Afrikana Uniono - AU en Ido ed en Angla, UA en altra oficala lingui - esas organizuro kreita por acelerar politikala e socioekonomiala uniono di Afrikana landi. L'organizuro konsistas ek 55 membri - la 53 nedependanta landi de Afrika, e pluse Ocidental Sahara, e Haiti kom observanto. Ye la 31ma di januaro 2017, Maroko admisesis kom membro al Uniono, per 39 yes-voti ek lua membri.

Ultre la skopo krear uniono e solidareso inter lua membri, altra skopi esas atingar paco e sekureso en Afrika, e stimular demokratio, bona guverni e homala yuri. Ol establisesis ye la 25ma di mayo 1963 sub la nomo Organizuro pri Afrikana Uniono, OAU, ed ye la 9ma di julio 2002 ol divenis l'Afrikana Uniono, AU.

L'oficala idiomi dil Afrikana Uniono esas Araba, Angla, Franca, Hispana, Portugalana e Swahilia.[1]

Referi[redaktar | redaktar fonto]

  1. (19ma di marto 2018) Protocol on the Amendments to the Constitutive Act of the African Union (Angla, Franca, Portugalana). African Union.