Pakto Ribbentrop-Molotov

De Wikipedio
Salti al navigilo Irez a serchilo
Sovietiana ministro pri exteral aferi Vyatcheslav Molotov e Joachim von Ribbentrop signatas pakto pri ne-atako.

Ribbentrop-Molotov, o Molotov-Ribbentrop pakto esis pakto pri ne-atako signatita en Moskva, Sovietia, da Joachim von Ribbentrop (lora ministro pri exteral aferi de Naziista Germania) e Vyatcheslav Molotov (lora ministro pri exteral aferi de Sovietia) ye la 23ma di agosto 1939.

Oficale, ol esis pakto pri ne-atako inter nacional-socialista Germania e komunista Sovietia. Tamen, ol inkluzis sekreta suplementala klauzi per qui Finlando, Estonia, Latvia, Lituania, Polonia e Romania separesis inter Germana e Sovietiana "influo-sferi". Estonia, Latvia, Finlando e, pose adjuntita, Lituania apartenus a Sovietia, Romania apartenus a Germania, e Polona teritorio dividesus en du parti: la westala parto enkorpigesus da Germania, kontre ke l'estala parto enkorpigesus da Sovietia.

Pos ke la pakto establisesis, Naziista Germania invadis Polonia, ye la 1ma di septembro 1939. Ye la 17ma di septembro sam yaro, 1 dio pos ke pafo-ceso inter Japonian imperio e Sovietia signatesis, Yosif Stalin imperis l'invado dil esto di Polonia. Pos ca invado, la frontieri inter la du povi konfirmesis segun suplementa protokolo de la pakto.

Videz anke:[redaktar | redaktar fonto]

Ribbentrop-Molotov.svg