Port-of-Spain

De Wikipedio
Salti al navigilo Irez a serchilo
Port-of-Spain
POSMontage.png
Kelk imaji pri Port-of-Spain
Lando: Flag of Trinidad and Tobago.svg Trinidad e Tobago
Informo:
Latitudo: 10°40' N
Longitudo: 61°31' W
Altitudo: 3 m
Surfaco: 12 km²
Habitanti: 37 074 (2011)
Denseso di habitantaro: 3090 hab./km²
Horala zono: UTC-4
Urbestro: Joel Martinez
Mapo:
Mapo di Port-of-Spain
Oficala retosituo:
cityofportofspain.gov.tt
La portuo di Port-of-Spain.

Port-of-Spain esas chef-urbo di Trinidad e Tobago. Segun statistiki de 2011, ol havis 37 074 habitanti. Lua tota surfaco esas 12 km².

Historio[redaktar | redaktar fonto]

Port-of-Spain fondesis proxim l'indijena vilajo Cumucurapo. Hispani instalis portuo en la regiono, qua divenis konocita kom Puerto de los Hispanioles, e pose Puerto de España. En 1560, li instalis garnizono en mikra fuorto proxim la monti Laventille, la nuna estala limito del urbo. La fuorto kaptesis da Walter Raleigh en 1595, ma retrodonesis a Hispania en 1604. L'indijeni Karib qui vivis en la zono ofte voyajis a la kontinento (la nuna Venezuela) ed a la fluvio Orinoco.

Geografio[redaktar | redaktar fonto]

Centrala quartero (downtown) de Port-of-Spain.

Port-of-Spain jacas en regiono plana. La montareto lokale nomizita Northern Range jacas an la nordo dil urbo, e lua maxima altitudo esas 900 metri. Existas granda biodiverseso en Northern Range, kun plua kam 465 speci di uceli e 100 speci di mamiferi.

Sude del urbo jacas la marsholando nomizita Caroni, qua esas protektata zono, e to impedas l'expanso dil urbo.

La klimato di Port-of-Spain esas tropikala (Aw segun la klimatala klasifikuro da Köppen), kun varma temperaturi omna dii dil yaro. La temperaturi kustume varias de 17°C til 34°C, e rare superiras 35°C la maxima, o 15°C la minima.

La pluvoza sezono duras de junio til novembro, kontre ke la sika sezono duras de decembro til mayo la sequanta yaro. La mezavalora yarala pluvo-quanto esas 1408 mm, e la maxim pluvoza monato esas agosto, kun mezavalore 244 mm. Marto esas la maxim sika monato, kun mezavalore 16,9 mm.