Port-of-Spain
| Port-of-Spain | ||
| ||
| Kelk imaji pri Port-of-Spain | ||
| Lando: |  Trinidad e Tobago
| |
Informo:
| ||
| Latitudo: | 10°40' N | |
| Longitudo: | 61°31' W | |
| Altitudo: | 3 m | |
| Surfaco: | 12 km² | |
| Habitanti: | 37 074 (2011) | |
| Denseso di habitantaro: | 3090 hab./km² | |
| Horala zono: | UTC-4 | |
| Urbestro: | Joel Martinez | |
Mapo:
| ||
| ||
Oficala retosituo:
| ||
| cityofportofspain.gov.tt | ||
Port-of-Spain esas chef-urbo e la maxim populoza urbo di Trinidad e Tobago. Segun la demografiala kontado di 2011, ol havis 37 074 habitanti. Lua tota surfaco esas 12 km². Lua metropolala havis 81 142 habitanti, segun statistiki por la sama yaro.
L'urbo funcionas kom komercala ed administrala centro di la lando, ed esas lua chef-urbo depos 1757. Ol esas importanta financala centro por la regiono Karibiana, e du ek la maxim granda banki de la regiono havas sideyi ibe. L'internaciona aeroportuo Piarco ligas ol ad importanta urbi en tota mondo. Lua portuo esas la maxim importanta por transporto di buxegi en Karibia. Bauxito produktita en Guyana transferesas a granda navi an la portuo Chaguaramas, distanta 8 kilometri weste de ol. Lua karnavalo esas importanta festo kulturala, ed atraktas multa turisti. Lua borso esas la maxim importanta di Karibia.
Historio
[redaktar | redaktar fonto]Port-of-Spain fondesis proxim l'indijena vilajo Cumucurapo. Indijeni Karib qui vivis an la zono ofte voyajis a la kontinento (la nuna Venezuela) ed a fluvio Orinoco.
Hispani fondis ol kom portuo, baptita Puerto de los Españoes, pose Puerto de España. En 1560, li instalis garnizono en mikra fuorto proxim la monti Laventille, la nuna estala limito del urbo. La fuorto kaptesis da Walter Raleigh en 1595, ma retrodonesis a Hispania en 1604.
En 1757 l'anciena chef-urbo San José de Oruña, distanta 11 kilometri doplanda, ruinis. Lora guberniestro Pedro de la Moneda transferis lua sideyo a Port-of-Spain. La lasta Hispana guberniestro, José Maria Chacón, developis la urbo, e transferis la cabildo (konsilistaro di guverno) ad ol. En 1786, l'urbeto havis cirkume 3 mil habitanti.
Geografio
[redaktar | redaktar fonto]
Port-of-Spain jacas en regiono plana. La montareto lokale nomizita Northern Range jacas an la nordo dil urbo, e lua maxima altitudo esas 900 metri. Existas granda biodiverseso en Northern Range, kun plua kam 465 speci di uceli e 100 speci di mamiferi.
Sude del urbo jacas la marsholando nomizita Caroni, qua esas protektata zono, e to impedas l'expanso dil urbo.
La klimato di Port-of-Spain esas tropikala (Aw segun la klimatala klasifikuro da Köppen), kun varma temperaturi omna dii dil yaro. La temperaturi kustume varias de 17°C til 34°C, e rare superiras 35°C la maxima, o 15°C la minima.
La pluvoza sezono duras de junio til novembro, kontre ke la sika sezono duras de decembro til mayo la sequanta yaro. La mezavalora yarala pluvo-quanto esas 1408 mm, e la maxim pluvoza monato esas agosto, kun mezavalore 244 mm. Marto esas la maxim sika monato, kun mezavalore 16,9 mm.
