Ro

De Wikipedio
Salti al navigilo Irez a serchilo
Commons-emblem-trademark-issue.svgNuvola apps edu mathematics-p.svg
Ica artiklo bezonas revizo da ula persono qua konocas ambe Ido, ed ica temo ciencala, teknologiala, matematikala, filozofiala, sportala, edc.
Ka vu povas helpar ni revizar ol? Nuvola apps edu science.svg

Ro esas konstruktita linguo kreita da Edward Powell Foster komence en 1904. En Ro, la vorti konstruktesas segun sistemo di kategorii. Exemple, la vorto por "reda" esas bofoc, e "flava" esas bofof. Omna vorti komencinta kun "bofo-" signifikas koloro. Foster ne nur probis krear plu bona linguo, ma anke plubonigar lua linguo segun la sequanta kriterio: faciligar la konoco di nekonocata vorti.

Foster skribis pri Ro:

Ro nek deziras remplasar irga altra linguo - sive naturala, sive artificiala -, nek influesis dal irga linguo. Subite venis ca penso: "Quale stranja esas ol ke nula en l'aspekto di skribita od imprimita vorto qua donas mem plu mikra indiko di senco. Pro quo ula vorto ne esas quale pikturo? Nova vorto, nulatempe ante vidita, quale ula pikturo vidita unesmafoye, expresas adminime kelk ek lua senco al okuli."

Pos laborir sur la linguo dum cirkume du yari, Foster editis l'unesma libreto pri Ro en 1906. La jurnali suportesis da multa Usani, exemple Melvil Dewey, inventero di la decimala klasifikuro da Dewey. Multa altra libri pri Ro aparis plu tarde, en 1932.

Frequa kritiki pri Ro esas la desfacileso pri audar diferi inter du vorti. Ordinare, ula konsonanto modifikas la senco di ula vorto, ma sat simila ke l'intenda ofte ne povas esar devinar di kontexto. To probable essas la motivo pro ke Ro ne sucesis quale Ido od Esperanto.

Extera ligili[redaktar | redaktar fonto]