Shocking Blue
| Shocking Blue | |||
|---|---|---|---|
| |||
| Lando: |  Nederlando
| ||
| Jenro: | psikodelik-rock, blues-rock | ||
| Periodo di aktiveso: | 1967 til 1964 | ||
| Membri: | Mariska Veres †, Robbie van Leeuwen, Fred de Wilde, Klaasje van der Wal †, Leo van de Ketterij, Martin van Wijk, Henk Smitskamp | ||
Shocking Blue esis nederlandana "rock"-grupo, formacita en Den Haag en 1967. La grupo kreis plura "psychedelic"-a kansoni tra la epoko dil kontrekulturo-movadi dum la yari 1960maa e frua 1970ma, inkluzante Never Marry a Railroad Man, Mighty Joe, Love Buzz, Blossom Lady, Inkpot e Venus; ta lasta divenis lia maxim granda suceso, ol atingis no. 1 en la usana rango Billboard Hot 100 ed en multa altra landi dum 1969 e 1970.
La grupo vendis 13,5 milion diski til 1973, ma ol dissolvesis en 1974, kande la "hippie", floro-povo ed altra kontrekulturo-movadi cirkum la mondo diminuteskis en la meza 1970a yari.
Shocking Blue fondesis en 1967 da Robbie van Leeuwen. La grupo havis suceseto en 1968 per Lucy Brown is Back in Town. Pos ke Mariska Veres divenis la kantisto, la grupo sucesis mondvaste per la kansono Venus, quo atingis no. 3 en Nederlando en 1969. La kansono atingis no. 1 ye la Billboard Hot 100 en februaro 1970. Pose 350.000 kopiuri vendesis en Germania, ed ol atingis no. 1 en Usa dum tri semani, la unesma kansono nederlandana qua sucesis tale. Un milion kopiuri vendesis ibe til januaro 1970, ed ol recevis ora disko de la Recording Industry Association of America. Globala vendi superesis kin milion kopiuri. La kansono fondesis sur The Banjo Song (1963) da The Big 3.
Altra sucesi inkluzis Send Me a Postcard en 1968/69 e Long and Lonesome Road (ofte erore referata kom "Long Lonesome Road") en 1969. Kansoni da Shocking Blue anke recevis multa radio-pleo che kanali en Nederlando.
Venus sequesis da "Mighty Joe (reverso "Wild Wind) en 1969 e Never Marry a Railroad Man (reverso Roll Engine Roll) en 1970, qui amba vendesis milionfoye. Posa kansoni - inkluzanta Hello Darkness (1970), Shocking You, Blossom Lady, Out of Sight, Out of Mind (1971), Inkpot, Rock in the Sea, Eve and the Apple (1972) ed Oh Lord (1973) sucesis en Europa, Latin-Amerika ed Azia, ma faliis en Usa.
Shocking Blue riemersis en 1979, e registragis Louise kom sua unesma disko depos la dissolvo en 1974. Tamen, la kansono nultempe editesis pro nesavata motivi. Li tamen pleis koncerte sua frua kansoni quala Venus e Never Marry a Railroad Man en 1980. Li itere riemersis en 1984, e pose registragis Jury and the Judge kun I Am Hanging on to Love ye la reverso, e mem plusa needitita kansono Time Is a Jetplane en 1986.
Verki
[redaktar | redaktar fonto]- 1967: Shocking Blue
- 1969: At Home
- 1970: Scorpio's Dance
- 1970: The Shocking Blue
- 1971: Third Album
- 1972: Inkpot
- 1972: Live in Japan
- 1972: Attila
- 1972: Eve and the Apple
- 1973: Ham
- 1974: Dream on Dreamer
- 1974: Good Times