Sorocaba
| Sorocaba | ||
| ||
| Sudala quarteri di Sorocaba. | ||
|
| |
| Standardo | Blazono | |
| Lando: |  Brazilia
| |
| Regiono: | Sud-estala | |
| stato: | Sao Paulo | |
Informo:
| ||
| Fondita ye: | 15ma di agosto 1654 | |
| Latitudo: | 23°30' S | |
| Longitudo: | 47°27' W | |
| Altitudo: | 591 m | |
| Surfaco: | 450,38 km² | |
| Habitanti: | 723 574[1] (2022) | |
| Denseso di habitantaro: | 1606,7 hab./km² | |
| Disto de Sao Paulo: | 87 km | |
| Horala zono: | UTC-3 | |
| Urbestro: | Rodrigo Manga (Republicanos, 2025-2028)[2] | |
Mapo:
| ||
| ||
Oficala retosituo:
| ||
| www.sorocaba.sp.gov.br | ||
Sorocaba esas urbo en Braziliana stato Sao Paulo. Segun la demografiala kontado di 2022, ol havis 723 574 habitanti[1]. Lua tota surfaco esas 450,38 km². Nun, ol esas la maxim populoza urbo de la sudo di Sao Paulo e la 5ma maxim populoza urbo dil stato. Kune altra 25 vicina urbi ol formacas metropolala regiono.
Sorocaba esas importanta industriala e komercala centro, kun plu kam 1.700 industrii e plu kam 13 mil komercala loki (magazini, butiki, supermerkati, ec). Dum recenta yari ol recevis importanta riurbanizuro-projeti, exemple la kreado di 150 km di biciklo-voyi.
Historio
[redaktar | redaktar fonto].jpg)
L'urbo jacas an la rivi dil rivero Sorocaba, apud l'anciena "treko Peabiru", qua ligis la litoro di Atlantiko a Pacifiko, e kreesis ed uzesis da aborijeni. En 2006, dum exkavadi por konstruktar nova kloakajo-sistemo, trovesis restaji di ceramikaji qui montras l'anciena kontakto inter indijeni de diferanta regioni. Nun, ta "choseo" ne existas, ma ol uzesis da Portugalana koloniigisti por explorar doplanda teritorii di Brazilia. Indijena tribui de etnio tupi habitis la regiono kande Portugalani arivis.
Portugalana komercisti ed exploreri trairis la regiono di Sorocaba en lia voyaji vers Minas Gerais e Mato Grosso, serchanta oro e diamanto. Sorocaba fondesis ye la 15ma di agosto 1654 e divenis urbo ye la 3ma di marto 1661.
L'unesma fabrikerii instalesis en 1852, ma la komerco di kotono restis plu profitebla por la habitanti dum kelka yari. En 1870 Austria-Hungariano Luís Mateus Maylasky, lor la precipua komercisto di kotono di la regiono, komencis konstruktar la ferovoyo Sorocabana, qua inauguresis en 1875.
Referi
[redaktar fonto]- ↑ 1,0 1,1 População em Sorocaba (SP) é de 723.574 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ Com mais de 263 mil votos, Rodrigo Manga é reeleito prefeito de Sorocaba - Publikigita da G1. Dato di publikigo: 6ma di oktobro 2024. Idiomo: Portugalana.