Stockmann Helsinki

De Wikipedio
Salti al navigilo Irez a serchilo
Stockmann Helsinki
Stockmann Helsinki

Stockmann Helsinki esas kulturale e historiale importanta komerco-edifico e butikego en centrala Helsinki, Finlando.

L'edifico esas situita en la distrikto Kluuvi en bloko definata da la stradi Mannerheimintie, Aleksanterinkatu, Keskuskatu e Pohjoiesplanadi.  La butikego esas la maxim granda en la Nordala landi, e la kinesma maxim granda en Europa.  Samtempe ol esas anke la maxim valoroza, produktiva ed importanta butiko dil firmo Stockmann.

L'edifico konstruktesis segun desegnuro da Sigurd Frosterus, qua ganis duesma rango en konkurso en 1916.  La stilo dil edifico reprezentas precipue klasikismo di la 1920a yari.  Konstrukto komencis en 1921 per bazar-edifico e la butiko ipsa kompletigesis kun quar etaji meze dil 1920a yari.  Fine en 1930 omna ok etaji kompletigesis. La butikego rinovigesis, elevesis e plugrandigesis per plura etapi, exemple per librerio en 1969.  La maxim recenta rinovigo eventis en 2010 kande la supra etaji adjuntesis e kelero-etaji rikonstruktesis.  La butiko havas 12 etaji, ek qui tri esas sub la tero-nivelo. La butikego Stockmann esas situita en centrala Helsinki an krucovoyo di la maxim vivaca stradi, che l'adreso Aleksanterinkatu 52.  La butiko recevas singlayare c. 17 milion klienti e yarala vendi esas c. 350 milion euri (en 2002).

La butiko expansesis plurafoye depos 1930 ed olua nuna spaco esas cirkume 50.000 m². La maxim granda butiki en Europa esas Harrods (90.000m²) en London e Kaufhaus des Westens (60.000m²) en Berlin.  La maxim granda butiki dil mondo esas S6hinsegae Centum City (293.905 m²) en Sud-Korea e Macy's (198.500m²) en New York-urbo. La butikego Stockmann Helsinki ofras servi anke exter la butiko ipsa.  L'Akademiala librerio, Seppälä e One Way, qua vendas yunaro-modo, jacas ye l'altra latero di Keskuskatu e konektesas kun la butiko-edifico per tunelo.