Franca koloniigo di Ameriki

De Wikipedio
Mapo di Nord-Amerika en 1750, kun la kolonii de Francia (blue), Britania (rozee) e Hispania (oranjee)

Franca koloniigo di Ameriki komencis dum la 16ma yarcento e kontinus dum la sequanta yarcenti. Francia establisis koloniala imperio en westala misfero. Francia fondis kolonieti en granda parto di Nord-Amerika, en multa Karibiana insuli, e kolonieti en Sud-Amerika. La maxim multa kolonii developesis por exportacar produkti quale fisho, sukro e furi.

Dum lua koloniigo Franci establisis fortui e kolonieti qui pose developis en urbi quale Quebec e Montreal en Kanada; Detroit, Green Bay, Saint Louis, Cape Girardeau, Mobile, Biloxi, Baton Rouge e New Orleans en Usa; Port-au-Prince, Cap-Haïtien (fondita kun la nomo Cap-Français) en Haiti, Cayenne en Franca Guyana; e São Luís (fondita kun la nomo Saint-Louis de Maragnan) en Brazilia.

Franci, komandita da Nicolas Durand de Villegaignon, probis fondar kolonieto en nuna Rio de Janeiro, nomizita France Antarctique, en mikra insulo en la bayo di Guanabara nune nomizita Insulo di Villegaignon. Li ekpulsesis da Portugalana trupi komandita da Estácio de Sá, ye la 20ma di januaro 1567.