Luís Carlos Prestes

De Wikipedio
Irez ad: pilotado, serchez
Luís Carlos Prestes
Bundesarchiv Bild 183-13290-0017, Luis Carlos Prestes.jpg
Profesiono: politikisto
Lando: Flag of Brazil.svg Brazilia
Nasko-dio: 3 di januaro 1898
Nasko-loko: Porto Alegre, Rio Grande do Sul
Morto-dio: 7 di marto 1990
Morto-loko: Rio de Janeiro, Rio de Janeiro

Luís Carlos Prestes (1898 til 1990) esis Braziliana militisto e politikisto. Dum 1920a yari il esis un di la chefi di politikala rebeliono konocata kom Tenentismo, qua okuris ta epoko kontre le politikala oligarkii en Brazilia. Pose, dum lia exilio en Buenos Aires en la komenco di 1930a yari il divenis membro e chefo di la komunista partiso di Brazilia (PCB).

Ye 1935 il fondis l'Aliança Nacional Libertadora (nacionala alianco por libereso - ANL), politikala uniono di komunisti e socialisti komandita da PCB kontre la guverno di Getúlio Vargas. Pos la falio di komunista rebeliono en novembro 1935 Prestes e lua spozino Olga Benário esis enkarcerigita ye marto 1936. Olga Benário, judino kun Germana origino esis sendita a Germania, ube esas exekutita en chambro di gaso. La filiino di Olga e Prestes, Anita Leocádia, naskis en koncentreso-kampeyo ma esis sendita a Brazilia ante la morto di lua matro. Malgre ta, kande Vargas abandonis lia simpatii por fashismo e nacionalsocialismo, Prestes pardonis Vargas e chanjis lia atitudo por politikala suporto pri il.

Kande la diktatoreso di Vargas finis en 1945, Prestes recevis amnistio e esis elektita kom senatano en Rio de Janeiro. Il partoprenis en l'asemblajo qua aprobis la 1946 konstituco. En 1948 PCB esis deklarita ne-legala e Prestes perdis lia politikala yuri. Malgre la Komunista Partiso esar en sekreteso dum la 1950a yari, Prestes suportis la nacionalista politiki di Getúlio Vargas til lia suocido en 1954.

Kande okuris militarala stato-stroko en Brazilia 1964 Prestes exiliis su en Sovietia til l'amnistio en 1979. Kande il retroiris a Brazilia la nova membri di PCB ne aceptis il kom chefo. Il abandonis PCB en 1982 ed eniris en la partiso PDT (demokratiala partiso por laboristi) fondita da Leonel Brizola.