Batalio di Britania
| Batalio di Britania | |||
| |||
| Kelk imaji pri la batalio di Britania. | |||
| Konflikto: | Duesma mondomilito | ||
| Dato: | 10ma di julio til la 31ma di oktobro 1940 | ||
| Loko: | batalio inter avioni super Anglia e l'Angla kanalo. | ||
| Rezulto: | Decidigiva vinko Angla. | ||
.svg){kind=small} Unionita Rejio Kanada
|
↔ | Naziista Germania Rejio Italia | |
| Hugh Dowding Keith Park T. Leigh-Mallory Quintin Brand Richard Saul L. Samuel Breadner Zdzislaw Krasnodebski |
↔ | Hermann Göring Albert Kesselring Hugo Sperrle Hans-Jürgen Stumpff R. C. Fougier | |
| 1963 avioni | ↔ | 2550 avioni | |
| 1023 kombat-avioni 376 bombardoavioni 544 pilotisti 14.281 civili mortinta 20.325 civili vundita |
↔ | 2585 pilotisti e krui mortinta 925 kaptita 735 vundita 1977 avioni destruktita | |
La batalio di Britania —Angle: Battle of Britain; Germane: Luftschlacht um England— esas la nomo per quo konocesas l'aerala kombati qui eventis super Britania e l'Angla kanalo de julio til oktobro 1940, kande Germania probis destruktar la Royal Air Force - RAF (l'aer-armeo dil Unionita Rejio) por obtenar aerala dominaco ante lua projetita marala invado di Britania, surnomizita "Operaco Marala Leono". La batalio recevis ca nomo pro la diskurso di Winston Churchill ye la 18ma di junio, kande ilu dicis: "quo generalo Weygand nomizis 'la batalio di Francia' finis. Me expektas ke la batalio di Britania balde eventos.[1]
Nek Adolf Hitler nek la Wehrmacht kreabis esir posibla sucesoza amfibia invado di Britania sen ke la RAF destruktabus. La sekundara skopo esis destruktar la fabrikerii di avioni e la terala substrukturi, por obligar Britaniana guvernerio negociar ula solvo. Tamen, la Germani vinkesis dal Britaniani, e to posibligis la Federiti uzar Britania kom bazo por invadar kontinentala Europa en 1944.
La batalio di Britania esis l'unesma granda batalio qua eventis komplete che l'aero. Ol esis la maxim granda aerala batalio eventinta til nun, e l'unesma probo di la bombardala strategii qui developesis pos l'Unesma mondomilito. Ol anke esis l'unesma foyo en ke Germania vinkesis dum la Duesma mondomilito. Pro la vinkeso Germana, Hitler mustis luktar en du fronti kande ilu decidis invadar Sovietia en 1941, en opozo a lua idei skribita che la libro Mein Kampf — segun Hitler, Germania jacis en desavantajoza situo geografiala, inter l'ocidentala povi (Unionita Rejio e Francia) e la socialista guvernerio di Sovietia, e pro to ol nulatempe mustis komencar nova kombati en ula fronto sen ante vinkir la kombati en l'altru.
Britaniani uzis radaro en larja skalo, por trovar Germana avioni ante ke li atingis l'emi che la sulo o la maro. Pos trovir l'avioni, li lansis l'atakoavioni Supermarine Spitfire e Hawker Hurricane por kombatar e destruktar li. Havanta nova helici e karburatori, e konsumanta fuelo Usana kun plu alta oktano-nombro, ta avioni esas 30% plu potenta kam olta uzita dum la batalio di Francia.
Referi
[redaktar | redaktar fonto]- ↑ Stacey, C P:The Canadian Army 1939-1945 An Official Historical Summary Publikigita da Queen's Printer. Loko di publikigo: Ottawa. Dato di publikigo: 1955.