Belém

De Wikipedio
(Ridirektita de Belém do Pará)
Salti al navigilo Salti al serĉilo
Belém
Montagem Belém.jpg
Kelk imaji pri Belem.
Bandeira belem.jpg Coat of arms Belem do Para Brazil.jpg
Standardo Blazono
Lando: Flag of Brazil.svg Brazilia
Stato: Pará
Informo:
Latitudo: 01º27'21" S
Longitudo: 48º30'14" W
Altitudo: 10 m
Surfaco: 1065 km²
Habitanti: 1 402 056 (2011)
Denseso di habitantaro: 1323,94 hab./km²
Disto de Brasília: 2 146[1] km
Horala zono: UTC-3
Urbestro: Zenaldo Coutinho (PSDB) (2017-2020)
Mapo:
Mapo di Belém
Oficala retosituo:
www.belem.pa.gov.br
Centro di Belém, chef-urbo dil stato Pará.

Belém esas chef-urbo di Braziliana stato Pará. En 2011 ol havis 1 402 056 habitanti. Lua tota surfaco esas 1 065 km². Ol esas la duesma maxim populoza urbo de la Norda regiono e la 12ma maxim populoza de Brazilia. L'urbo konocesas kom "la metropolo di Amazonia", ed ol jacas apud la fluvio Amazon.

Nun, Belém esas importanta komercala, servadala, kulturala ed industriala centro en la Norda regiono. La sideyo di la Federala Universitato di Pará (UFPA), judikata kom la maxim bona universitato de la Norda Regiono, jacas en la urbo. L'urbo anke havas 5 altra publika universitati e fakultati: L'Universitato Federala Rurala di Amazonia (UFRA); l'Universitato dil Stato Pará (UEPA); la Centro de Instrução Almirante Brás de Aguiar, qua formacas maristi por verkar en komercala navigado; la Federala Institucuro pri Eduko, Cienco e Teknologio di Pará (IFPA), e la skolo-tereno dil Universitato di Taubaté (UNITAU).

Historio[redaktar | redaktar fonto]

Ye la 12ma di januaro 1616 l'urbo Belém fondesis da Francisco Caldeira Castelo Branco. Il esis komandinto di militala expediciono komisita dal guberniestro di Brazilia por ekpulsar exterlandani qui establisesis en Grão Pará. Ye ca dio il atingis la bayo Guahará e konstruktis ligna fuorto. Ilu nomizis la kolonio establisita proxim la fuorto Feliz Lusitania. Ol divenis l'urbo Belém. Francisco Branco divenis guberniestro di la nova kolonio. Pro lua diktatorema maniero di guvernado il arestesis en 1618, e mortis enkarcerigita en Lisboa en 1619.

L'urbo divenis prosperoza dum fino di la 19ma e komenco di la 20ma yarcento ("ciklo dil kauchuko" en la Norda regiono). Dum ta epoko, multa Europana familii traslojis al urbo, ed influis lua arkitekturo. L'urbo divenis konocita kom "Paris de Amerika".

Referi[redaktar | redaktar fonto]

La portuo di Belém.