British Columbia
| |||||||||||||||||||||||||||||||||||||||||||||||||||||||
Britana Kolumbia (British Columbia, Franca Colombie-Britannique) esas la maxim westa provinco en Kanada, jacanta sud-weste de la lando. Lua chef-urbo esas Victoria, ma la maxim granda urbo esas Vancouver, qua jacas proxime a Seattle en Usa. Segun statistiki de 2016, ol havis 4 648 055 habitanti, esante la 3ma maxim populoza provinco di Kanada. Lua tota surfaco esas 944 735 km².
Historio
[redaktar | redaktar fonto]British Columbia komence konsistis ek du Britaniana kolonii: l'insulo Vancouver e Nova-Kaledonia (la nuna kontinentala Britaniana Kolumbia. Ca du provinci kunfuzesis en 1866.
En la nomizita "karibua regiono" (centre interna) eventis granda serchado por oro, de 1862 til 1865. To kreis granda fluxo di mineri e koloneri, cirkume 30 000 personi. Ta periodo memorigesas en la voyeto dil kiko vers l'oro - ensemblo di historiala loki de Lilloet til Barkerville e transe. Kelka urbi alonge voyo esas numerita segun lia disto a la fino di navigebla kanalo di fluvio Fraser, do la maxim konocata esas 100 e 108 Mile House.
British Columbia divenis provinco de la dominio Kanada ye la 20ma di julio 1871, pos la promiso koncerne konstruktar ferovoyala lineo en la dominio liginta la litoro ad estala provinci. Pos multa desfacilaji, la ferovoyo Canadien Pacifique konstruktesis de 1875 til 1885 tra Rokoza Monti.
En 1907 pos frontierala disputi kun Alaska, la nord-esto, precipue la litoro, esis imputar a sua norda vicino.
L'etniala relati esis trubloza dum la duesma mondomilito, kande la habitantaro de Japoniana gepatri diplasesis a koncentreyi.
Ekonomio
[redaktar | redaktar fonto]Forestala explotado esas ankore importanta, ma en Okanagan la frukt-kultivado e vit-kultivado developesis.
La montoza peizaji e la spektakla fyordi permisas l'ekoturismo.
Dum la Vintrala Olimpiala Ludi de 2010, la granda skio-staciono Whistler, jacanta 130 km norde de Vancouver, facileskis acesar per choseo, ma ne per ferovoyo.
Ligili adextere
[redaktar | redaktar fonto]
| Provinci e teritorii di Kanada | 
|
| Provinci: British Columbia | Alberta | Saskatchewan | Manitoba | Ontario | Kebekia | New Brunswick | Insulo Prince Edward | Nova Skotia | Newfoundland e Labrador | |
| Teritorii: Yukon | Northwest Territories | Nunavut | |