Damascus

De Wikipedio
Irez ad: pilotado, serchez
Damascus
Damascus montage.png
Kelk imaji de Damascus.
Flag of Damascus.png Damascus-Seal.jpg
Flago di Damascus Blazono di Damascus
Lando: Flag of Syria.svg Siria
Informo:
Latitudo: 33º30'47"N
Longitudo: 36º17'31" E
Altitudo: 690 m
Surfaco: 77 km²
Habitanti: 1 834 741 (2010)
Denseso di habitantaro: 23,827.8 hab./km²
Horala zono: UTC+2
(UTC+3 dum la somero)
Urbestro: Bishr Al Sabban
Mapo:
Mapo di Damascus
Oficala retosituo:
www.damascus.gov.sy
Ruini dil templo pri Jupitero, en Damascus.

Damascus esas chef-urbo di Siria, e la 2ma maxim populoza urbo di la lando pos Aleppo. Lua metropolala regiono havas plu kam 2.4 milioni habitanti.

La nomo dil urbo evas adminime 3000 yari. Ol forsan signifikas 'industrieyo'.

Historio[redaktar | redaktar fonto]

Damascus esas un ek la maxim anciena urbi del mondo. Homi ja habitis la regiono cirkume la 7ma yarmilo aK. La regiono esis parto di Babilona imperio, ed konquestesis da Alexandros la Magna dum la 4ma yarcento aK. En 64 aK generalo Pompeius Magnus anexis ol por Romana imperio.

L'urbo konsideresis importanta por la Romani. Segun la Nova Testamento, dum voyajo vers Damascus Paulus vidis Iesu Kristo. En 222 l'imperiestro Septimius Severus transformis la regiono en kolonio.

En 635 la generalo Khalid ibn al-Walid konquestis l'urbo. Lia sucedinto, al-Walid, komencis en 706 la konstrukturo di granda moskeo. Turki arivis dum la 11ma yarcento, ed Otomani okupis ol en 1516 e mantenis ol por cirkume 4 yarcenti. En 1867 misionero E. C. Miller kalkulis ke l'urbo havis cirkume 140.000 habitanti, di qui 30.000 esis kristani, 10.000 judi e 100.000 esis Mohamedani.

Pos fino dil unesma mondomilito Francia okupis Siria. Ye la 21ma di junio 1943 militala forci de Unionita Rejio e de Libera Francia kaptis l'urbo de la Francia di Vichy. Kande Siria divenis komplete nedependanta en 1946 Damascus divenis chef-urbo di la lando.

Geografio[redaktar | redaktar fonto]

Damascus konstruktesis en strategiala loko di platajo, 680 metri adsur la maro, proxim la montaro Anti-Libano e la fluvio Barada, ed en la krucovoyo di du komercala voyi: la norda-suda voyo ligas Egiptia ad Avan-Azia, e l'esta-westa voyo trairas dezerto por ligar Libano al valo dil fluvio Eufrati. La montaro Anti-Libano esas la naturala frontiero qua separas Libano de Siria.