Ekonomio di Chekia
| Ekonomio di Chekia | ||
|---|---|---|
| Pekunio | koruna Cheka | |
| Internaciona organizuri | MOK, Europana Uniono, OKED | |
| Statistiki [1] | ||
| Totala nacionala produkturo (TNP) | US$ 539 737 milioni (2023) | |
| Rango TNP | 47ma[2] maxim granda | |
| Kresko di TNP | -0,09% (2023) | |
| TNP po persono | US$ 49 700,00 (2023) | |
| TNP segun sektoro | agrokultivo 1,7%, industrio 30,4%, servadi 59,7% (2023) | |
| Inflaciono | 2,4% (2024) | |
| Habitantaro sub la povreso-lineo | 10,2 (2021) | |
| Laboro-povo | 5 474 000 (2024) | |
| Laboro-povo segun okupo | agrokultivo 2,8%, industrio 38%, servadi 59,2% | |
| Chomeso | 2,5% (2024) | |
| Komercala parteneri [1] | ||
| Exportaci (US$) | 236 688 milioni (2023) | |
| Precipua parteneri | Germania 29%, Slovakia 7%, Polonia 6%, Francia 5%, Unionita Rejio 5% (2023) | |
| Importaci (US$) | 219 393 milioni (2023) | |
| Precipua parteneri | Germania 22%, Popul-Republiko Chinia 17%, Polonia 8%, Slovakia 5%, Italia 4% (2023) | |
| Publika financi [1] | ||
| Extera debo | 191 871 milioni (2019) | |
| Revenuo totala (US$) | 94,01 miliardi (2022) | |
| Spenso totala (US$) | 103,96 miliardi (2022) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Chekia esas multe developita kompare altra ex-komunista stati, ed ol esas forte apogata sur exportaci. Lua precipua ekonomial agadi esas servadi ed industrio, nome mashinifado, transformo di minerali di fero e stalo, kemiala produkturi, stofi, ceramiko e drinkaji.
La lando havas bona geografiala lokizo an la centro di Europa, basa kusti por produktado, e bone instruktita laboro-povo.[1] Ol membreskis Europana Uniono ye la 1ma di mayo 2004. Lua ekonomio kreskis plu kam 6% omnayare de 2005 til 2007, e 2,3% en 2008. Tamen ol diminutis 4,1% en 2009 pro l'internaciona ekonomiala krizo, ma ne tante kam altra landi, pro lua stabila bankala sistemo. En 2014 lua TNP kreskis 2%, ed en 2015 ol kreskis 4,4%, lor la maxim alta kresko inter la 27 membri del Europana Uniono.
L'epidemio di KOVID-19 dum la komenco dil yari 2020a e l'energiala krizo pro l'invado di Ukraina da Rusia en 2022 afektis forte l'ekonomio di la lando. En 2023, konservema jurnalo Germana Die Welt surnomizis Chekia "la malado di Europa", nam ol esis la sola lando qua ne rekuperabis komplete de ta du krizi[3]. Tamen, en aprilo 2025, la lando cesis dependar de Rusa petrolo[1].
Referi
[redaktar | redaktar fonto]- 1 2 3 4 5 Czechia - The World Factbook - Publikigita da CIA. URL vidita ye 8ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Czechia is the 'sick man of Europe' says analysis in Germany's Die Welt - Publikigita da Expats.cz. Dato di publikigo: 13ma di novembro 2023. Idiomo: Angla.