Organizuro por Kunlaboro ed Ekonomiala Developo

De Wikipedio
Irez ad: pilotado, serchez

██ Fondinta membri (1961)

██ Altra membri.

L'Organizuro por Kunlaboro ed Ekonomiala Developo - OKED (Angle: Organisation for Economic Co-operation and Development - OECD; France: Organisation de coopération et de développement économiques - OCDE) esas internaciona ekonomial organizuro fondita en 1961 e nune formacita per 34 landi, por stimular l'ekonomiala progreso e la komerco mondala. Ol esas forumo di landi qui deskriptas su kom "kompromisita kun demokratio e kun libera merkato", e qua permisas komparar experienci pri developo ed ekonomio, e serchar solvi por komuna problemi, identifikar bona praktiki e koordinar domestika ed internaciona politiki di lua membri.

L'organizuro originis en 1948 sub la nomo Organizuro Europana por Ekonomiala Koopero (Angle: Organisation for European Economic Co-operation - OEEC[1]) komandita da Franca Robert Marjolin, por administrar la Plano Marshall (refuzita da Sovietia e lua satelita stati[2]).

En 1961 OEEC transformacesis en OKED e lua membreso expansesis vers altra ne-Europana landi. Nune la maxim multa membri di OKED havas ekonomii kun alta revenui ed alta indexo pri humana developeso.

Referi[redaktar | redaktar fonto]

  1. Organisation for Economic Co-operation and Development. Oecd.org. URL vidita ye la 30ma di mayo 2013.
  2. Soviet Union rejects Marshall Plan assistance This Day in History — 7/2/1947. History.com. URL vidita ye la 30ma di mayo 2013.